Ўтган 2 йил давомида уй-жой коммунал хизмат кўрсатиш соҳасининг 100 га яқин мансабдор шахслари коррупциявий жиноятлар содир этгани учун жавобгарликка тортилган. Бу ҳақда Президент Шавкат Мирзиёев раислигида ўтказилаётган йиғилишда сўз юритилди, дея хабар бермоқда «Дарё» мухбири.
Уй-жой коммунал хизмат кўрсатиш соҳасида маблағларни самарасиз ишлатиш, бюджет маблағларини талон-торож қилиш, қолаверса, коррупциявий омиллар анча юқори. Жумладан, ўтган 2 йил давомида соҳанинг 100 га яқин мансабдор шахслари коррупциявий жиноятлар содир этгани учун жавобгарликка тортилган.Масалан, Андижон уй-жой коммунал хизмат кўрсатиш бошқармаси раҳбарлари 240 миллион сўм, Наманган «Таъмирлаш тиклаш хизмати» корхонаси мансабдорлари 250 миллион сўм бюджет маблағларини талон-торож қилган, Сурхондарё сув таъминоти бошқармаси ходимлари 540 миллион сўм маблағни ўзлаштириб юборган.
Шу боис Шерзод Ҳидоятов, унинг тизими олдида кўп қаватли уй-жойларга хизмат кўрсатишни яхшилаш ва уй-жой фондини янгилаш, соҳада коррупцияни йўқотиш вазифалари устувор этиб белгиланади
Шавкат Мирзиёев, Ўзбекистон Президенти
Мавзуга доир: Бухорода уй-жой коммунал хизмат кўрсатиш бошқармаси бўлим бошлиғи 2,3 млн сўм пора билан қўлга тушди
Изоҳ (0)