Катта ўлчамли пойабзал киядиган Голливуд юлдузлари (фото)

Золушка жажжи ўлчамдаги пойабзали сабаб шаҳзоданинг кўнглидан жой олган. Аммо қуйидаги юлдузлар катта ўлчамли оёқлар муваффақият ва муҳаббатга тўсқинлик қила олмаслигини аллақачон исботлаган.

Моника Белуччи, 44-ўлчам

Миш-мишларга кўра, дунёдаги энг жозибадор аёллардан бири 44-ўлчамдаги пойабзал кияди.

«Ёши улғайиб, одам табиий гўзаллигини йўқотганда у билан бирга янги нарса пайдо бўлишини унутмаслиги керак. Унинг кўзлари янада маънолироқ бўлиб қолади, чунки у энди кўпроқ тажриба ва ишончга эга... Мен ўзимни жуда қулай ҳис қиляпман, одамлар менинг чиройли эканлигимни айтгани учун эмас, балки мен танлаган ҳаётимда яшаётганим учун. Мен ҳаётни севаман. Бу менинг энг муҳим гўзаллигим сиридир», — деган эди интервьюсида ўзининг ишонч ва гўзаллик сирлари билан бўлишган Моника.

Перис Ҳилтон, 43-ўлчам

Перис узоқ вақт давомида оёқ ўлчамининг катталиги туфайли комплексларга эга эди, аммо у шуҳрат чўққисига чиққанида алоҳида диққат тортувчи томони — унинг оёқлари эканлигини тушуниб етди.

Тайра Бенкс, 43-ўлчам

Дунёга машҳур модель Тайра Бенкс 43-ўлчамдаги пойабзал излашга мажбур! Аммо юлдуз бундан ҳеч қачон уялмаган ва дунёдаги барча аёлларга Золушка сингари ихчам оёқ муваффақият гарови эмаслигини исботлаган.

Ума Турман, 42-ўлчам

Квентин Тарантинонинг илҳом париси бўлмиш Ума Турман аввалига 42-ўлчамли оёғидан уялган. Аммо қайсидир фильмни суратга олиш пайтида таниқли режиссёр илгари бундай жозибали оёқларни кўрмаганини айтади. Шундан сўнггина Ума фильмларда ва реклама кампанияларини суратга олиш пайтида оёқларини кўрсатишдан тортинмаган.

Эркакнинг аёл гўзаллигига бўлган ҳайратлари мўъжизалар яратади ва комплексларни енгиллаштиради!

Никол Кидман, 42-ўлчам

Николнинг 42-оёқ ўлчами унинг бўйига мос — 180 сантиметр! Актриса болалигида оёқ ўлчамини яширганини тан олади, аммо Голливуддаги машҳурлик юлдузга ўзини қадрлаши лозимлигини ўргатиб қўйди.

Синди Кроуфорд, 41-ўлчам

Синди Кроуфорд ҳеч қачон 41-ўлчамли оёғидан уялмаган. Синди Голливуд селлюлити борлигини ҳам яширмайдиган кам сонли Голливуд юлдузлари қаторига киради.

У бу ҳақда мутлақо ташвишланмайди. «Мен 23 ёшга ўхшаш йўлларини изламайман, — дейди супермодель. — Агар папаратцилар барчага менинг селлюлитим борлигини кўрсатадиган фотосурат учун пайт пойлаётган бўлса, мен бунга нима деб жавоб беришимни биласизми? Ҳа, у менда бор! Ва буни яшириб ҳам ўтирмайман».

Кейт Уинслет, 42-ўлчам

Кейт ҳақида доимо танқидий фикрлар бўлган; у ортиқча вазнга эга, унинг оёқлари катта, бурни қийшиқ каби. Аммо Уинслет ҳар доим бундай зарбаларга дош берган, ҳатто «Титаник» фильмини суратга олиш пайтида ҳам ўзини қандай бўлса, шундайлигича севишини айтган.

Мег Райан, 42-ўлчам

Мегнинг бўйи 173 сантиметр бўлса ҳам, оёғи 42-ўлчам. Аммо мухлислар юлдузнинг оёқларининг катталигидан эмас, балки актрисанинг варикоз томирларидан азият чекаётганидан кўпроқ ташвишланади.

Аммо Райан бунинг ҳам йўлини топди. Актриса юзи билан боғлиқ пластик жарроҳлик амалиёти билан оёқларига бўлган эътиборни чалғитди. Ғайриоддий усул, аммо тан олиш керакки, Мег бу билан анча ёш кўрина бошлади.