Instagram: Онасини туғилган кунида йиғлашга мажбурлаган Зиёда, Азиза Ёқубованинг турмуш ўртоғига сюрпризи, шоу-бизнес вакилларининг битирувчиларга табриги

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Наргиза Абдуллаева табассум умрни узайтириши ҳақида ёзиб қолдирди.

Алишер Узоқов 25 май — «Сўнгги қўнғироқ» куни муносабати билан битирувчилик пайтидаги сурати билан бўлишди.

«Бахтнинг ҳеч қандай калитлари йўқ, эшик ҳамма вақт очиқ», — демоқда Нилуфар Усмонова.

СанЖай отаси билан тушган суратини саҳифасига жойлаб, ҳаётида унинг ўрни қанчалик муҳим эканлигини ёзиб қолдирди.

Ўзбек шоу-бизнеси вакиллари битирувчиларга аталган ҳазиломуз видеоролик ёрдамида уларни табриклади. Видеода хонандаларнинг махсус дастур орқали ёш болага айланиб қолганини кўриш мумкин.

Шаҳло Аҳмедова янги сурати билан ўзгаришлар даври келаётганига ишора қилди.

Ижтимоий тармоқларда Севинч Мўминованинг Тожикистонда мухлислари қандай эҳтиром кўрсатгани акс этган видео тарқалмоқда.

Феруза Норматова «Ким келгинди?» номли комедик мелодрама жанридаги сериални суратга олмоқда.

25 май куни Азиза Ёқубованинг турмуш ўртоғи туғилган кунини нишонламоқда. Актриса шу сана муносабати билан турмуш ўртоғини биринчилардан бўлиб, кутилмаган сюрприз билан табриклади.

Дурдона Қурбонова ҳам битирувчилик давридаги расмини фолловерларига кўрсатди.

Зиёда олти нафар опа-сингиллари ҳамда ёлғиз укаси билан онасининг туғилган кунига ажойиб сюрприз тайёрлади. Улкан мониторда Зиёданинг ота-онаси суратлари намойиш этилди ҳамда она ҳақида таъсирли шеър ўқилди.

Туғилган кунга Зиёданинг ҳамкасби Малика Равшанова ҳам ташриф буюрди ҳамда оналарнинг мадҳиясига айланган қўшиғини ижро этиб берди.