Katta o‘lchamli poyabzal kiyadigan Gollivud yulduzlari (foto)

Zolushka jajji o‘lchamdagi poyabzali sabab shahzodaning ko‘nglidan joy olgan. Ammo quyidagi yulduzlar katta o‘lchamli oyoqlar muvaffaqiyat va muhabbatga to‘sqinlik qila olmasligini allaqachon isbotlagan.

Monika Beluchchi, 44-o‘lcham

Mish-mishlarga ko‘ra, dunyodagi eng jozibador ayollardan biri 44-o‘lchamdagi poyabzal kiyadi.

“Yoshi ulg‘ayib, odam tabiiy go‘zalligini yo‘qotganda u bilan birga yangi narsa paydo bo‘lishini unutmasligi kerak. Uning ko‘zlari yanada ma’noliroq bo‘lib qoladi, chunki u endi ko‘proq tajriba va ishonchga ega... Men o‘zimni juda qulay his qilyapman, odamlar mening chiroyli ekanligimni aytgani uchun emas, balki men tanlagan hayotimda yashayotganim uchun. Men hayotni sevaman. Bu mening eng muhim go‘zalligim siridir”, — degan edi intervyusida o‘zining ishonch va go‘zallik sirlari bilan bo‘lishgan Monika.

Peris Hilton, 43-o‘lcham

Peris uzoq vaqt davomida oyoq o‘lchamining kattaligi tufayli komplekslarga ega edi, ammo u shuhrat cho‘qqisiga chiqqanida alohida diqqat tortuvchi tomoni — uning oyoqlari ekanligini tushunib yetdi.

Tayra Benks, 43-o‘lcham

Dunyoga mashhur model Tayra Benks 43-o‘lchamdagi poyabzal izlashga majbur! Ammo yulduz bundan hech qachon uyalmagan va dunyodagi barcha ayollarga Zolushka singari ixcham oyoq muvaffaqiyat garovi emasligini isbotlagan.

Uma Turman, 42-o‘lcham

Kventin Tarantinoning ilhom parisi bo‘lmish Uma Turman avvaliga 42-o‘lchamli oyog‘idan uyalgan. Ammo qaysidir filmni suratga olish paytida taniqli rejissor ilgari bunday jozibali oyoqlarni ko‘rmaganini aytadi. Shundan so‘nggina Uma filmlarda va reklama kampaniyalarini suratga olish paytida oyoqlarini ko‘rsatishdan tortinmagan.

Erkakning ayol go‘zalligiga bo‘lgan hayratlari mo‘jizalar yaratadi va komplekslarni yengillashtiradi!

Nikol Kidman, 42-o‘lcham

Nikolning 42-oyoq o‘lchami uning bo‘yiga mos — 180 santimetr! Aktrisa bolaligida oyoq o‘lchamini yashirganini tan oladi, ammo Gollivuddagi mashhurlik yulduzga o‘zini qadrlashi lozimligini o‘rgatib qo‘ydi.

Sindi Krouford, 41-o‘lcham

Sindi Krouford hech qachon 41-o‘lchamli oyog‘idan uyalmagan. Sindi Gollivud sellyuliti borligini ham yashirmaydigan kam sonli Gollivud yulduzlari qatoriga kiradi.

U bu haqda mutlaqo tashvishlanmaydi. “Men 23 yoshga o‘xshash yo‘llarini izlamayman, — deydi supermodel. — Agar paparattsilar barchaga mening sellyulitim borligini ko‘rsatadigan fotosurat uchun payt poylayotgan bo‘lsa, men bunga nima deb javob berishimni bilasizmi? Ha, u menda bor! Va buni yashirib ham o‘tirmayman”.

Keyt Uinslet, 42-o‘lcham

Keyt haqida doimo tanqidiy fikrlar bo‘lgan; u ortiqcha vaznga ega, uning oyoqlari katta, burni qiyshiq kabi. Ammo Uinslet har doim bunday zarbalarga dosh bergan, hatto “Titanik” filmini suratga olish paytida ham o‘zini qanday bo‘lsa, shundayligicha sevishini aytgan.

Meg Rayan, 42-o‘lcham

Megning bo‘yi 173 santimetr bo‘lsa ham, oyog‘i 42-o‘lcham. Ammo muxlislar yulduzning oyoqlarining kattaligidan emas, balki aktrisaning varikoz tomirlaridan aziyat chekayotganidan ko‘proq tashvishlanadi.

Ammo Rayan buning ham yo‘lini topdi. Aktrisa yuzi bilan bog‘liq plastik jarrohlik amaliyoti bilan oyoqlariga bo‘lgan e’tiborni chalg‘itdi. G‘ayrioddiy usul, ammo tan olish kerakki, Meg bu bilan ancha yosh ko‘rina boshladi.