Қирол ва қироличалар авлоди: Келиб чиқиши қироллик оилаларига бориб тақаладиган Болливуд юлдузлари

Сиз-у бизга актёр ва актриса сифатида маълум бўлган ҳинд киносаноати юлдузларидан кимлар қироллик оиласининг давомчилари экани ҳақида маълумот бериб ўтамиз.

Адити Рао Хайдари

Муҳаммад Солиҳ ва Акбар Хайдари оиласининг меросхўри ҳисобланган актрисанинг келиб чиқиши қироллик оиласига бориб тақалади. Шунингдек, Адити Амир Хоннинг рафиқаси Киран Рао билан қариндош ҳамдир.

Саиф Али Хон

Саифнинг отаси Мансур Али Хон Патаудининг 9-наваби (наваб — Шарқий Ҳиндистондаги ҳукмдорларнинг унвони) ҳамда Ҳиндистоннинг крикет жамоаси капитани бўлган. 1971 йилда ҳукумат унвондан воз кечган. Шундан кейин наваблик Саифга мерос бўлиб ўтган. Актёрнинг оиласи — онаси Шармила Тагор, рафиқаси Карина Капур, иккита синглиси ва уч нафар фарзанди (биринчи турмушидан Иброҳим ва иккинчи турмушидан иккита)дан ташкил топган.

Райма ва Рия Сен

Райма ва Рия Сен ота томонидан қироллик оиласига бориб тақаладиган актриса Мун-Мун-Сеннинг қизлари саналади. Уларнинг бувиси Ила Деви малика ва Жанпур маҳаражиси Гаятри Девининг опаси бўлган. Катта бувиси эса маҳаражи Саяжираао Гаэквада III ягона қизи бўлган.

Бхагяшри

Салмон Хон билан «Сени севдим» фильмида бирга суратга тушган актрисанинг келиб чиқиши Маҳараштра штатидаги қироллик оиласига бориб тақалади. Асл исми Шриман Ражкумари Бхагяшри Раж Патвардхан бўлган актриса, Сангли шаҳри ҳукмдори Вижай Сингхрао Мадхаврао Патвардханнинг қизи.