Noto‘g‘ri tanlangan (yoki ochiqchasiga aytganda, xunuk) poyabzal nafaqat obrazni, balki siz haqingizdagi umumiy taassurotni ham buzishi mumkin.

To‘qilgan etiklar

Foto: Cosmopolitan

Dizaynerlar tomonidan to‘qilgan etiklar eng yomon poyabzal deb bir necha marta aytilgan. Ammo ushbu poyabzal muxlislarini hali ham shahar ko‘chalarida uchratish mumkin. Agar bunday “poshnali paypoqlar” shkafingizda bo‘lsa, darhol ulardan qutuling!

Teshikli etiklar

Foto: Cosmopolitan

Yana bir didsizlik namunasi bo‘lgan — teshikli charmdan qilingan “yozgi etik”. Shunga o‘xshash bo‘lgan yana bir poyabzal — poshnali botilyon. Birinchisini ham, ikkinchisini ham kiyish tavsiya etilmaydi, agar yozda yopiq poyabzal kiyishni xohlasangiz, kazaki, botinka yoki martens kiyganingiz ma’qul.

Rezinali slansilar

Foto: Cosmopolitan

Birinchidan, shaharda rezinali slansi kiyib yurish allaqachon urfdan qolgan, ikkinchidan, bugungi kunda do‘konlarda chiroyli va qulay sandallar tanlovi taqdim etiladiki, slansilarga bo‘lgan qiziqish o‘z-o‘zidan yo‘qoladi.

Gladiator-sandallar

Foto: Cosmopolitan

Gladiator-sandallar bilan oyoqlaringiz kalta ko‘rinishini xohlamasangiz kerak? Hatto yetarlicha uzun oyoqli qizlarni ham kalta oyoqli gnomlarga aylantirish uchun ular haqiqatan ham sehrli xususiyatga ega.

Krossovka-tanketkalar

Foto: Cosmopolitan

Bunday krossovkalar yuz yil oldin urfdan chiqib ketganligini unutgan bo‘lsangiz ham bu kabi yozgi poyabzal shkafda kamida g‘alati ko‘rinadi.

Tuyoqsimon bosonojkalar

Foto: Cosmopolitan

Bir vaqtlar sevimli yozgi poyabzal bo‘lgan bunday bosonojkalar romantik yozgi ko‘ylaklar va zamonaviy kombinezonlar bilan birgalikda ajoyib obraz hosil qila olardi. Ammo bunday poyabzallar uzoq o‘tmishda qoldi va ularni shkafda saqlashdan foyda yo‘q.

Baletkalar

Foto: Cosmopolitan

Chiroyli va zamonaviy baletka topish siz o‘ylaganingizdan oson — eng muhimi, old qismi dumaloq, cheti bo‘ylab rezina tasma bilan qoplangan didsiz modellarni xarid qilmang.

Krokslar

Foto: Cosmopolitan

Agar krokslarni faqat shahar tashqarisida, dala hovlilarda kiysangiz, hech qanday muammo yo‘q. Ammo bunday poyabzalni shaharda kiyish yaxshi fikr emas.