Чемпионлар Лигасининг 2021/22 йилги мавсумдаги ғолиби қанча мукофот олиши маълум бўлди

Чемпионлар Лигасининг 2021/22 йилги мавсумида иштирок этиш учун клублар оладиган мукофот пуллари миқдори маълум бўлди.

L’Equipe нашри тарқатган хабарга кўра, мукофот пулларининг умумий миқдори 2,032 миллиард еврони ташкил қилган. Мусобақанинг гуруҳ босқичига йўл олган ҳар бир жамоа 15,64 миллион еврога эга бўлади, бу жорий мавсумдагидан 390 минг еврога кўпроқдир.

Гуруҳ босқичидаги ҳар бир ғалаба 2,8 миллион евро билан мукофотланади (ушбу мавсумдан 100 минг еврога кўпроқ), дуранг эса 930 минг евро (+30 минг евро) олиб келади.

Чемпионлар Лигасининг 1/8 финалига чиқиш 9,6 миллион евро (+100 минг евро), 1/4 — 10,6 миллион евро (+100 минг евро), 1/2 — 12,5 миллион евро (+500 минг евро) олиб келади. Финалга чиққанлик учун эса 15,5 миллион евро (+500 минг евро) тақдим этилади.

Мусобақа ғолиби эса яна қўшимча 20 миллион евро билан тақдирланади. Ушбу мавсумда бу кўрсаткич 19 миллион еврога тенг.

Бундан ташқари, УЕФА клублари рейтингидаги ўрни учун тўловлар (585 дан 600,6 миллион еврогача) ва ҳар бир мамлакат телевизион бозори қиймати учун белгиланган тўловлар ҳам (292 дан 300,3 миллион еврогача) оширилади.

Шунингдек, Европа Лигаси мукофот пулларининг умумий миқдори ва ғолиб жамоа оладиган сумма ҳам эълон қилинди:

• Европа Лигаси мукофот пулларининг умумий миқдори — 465 миллион евро;
• Европа Лигасининг гуруҳ босқичига чиққанлик учун — 3,63 миллион евро;
• Гуруҳ босқичидаги ғалаба учун — 630 минг евро, дуранг учун — 210 минг евро.