Машҳур бўлгунича кафе ва ресторанларда официантлик қилган юлдузлар (фото)

Фаолиятини бошлашдан аввал кафе ва ресторанларда одамларга хизмат қилган машҳурлар ҳақида маълумот бериб ўтамиз.

Крис Прэтт

Крис Прэтт карьерасини бошлашидан аввал АҚШдаги Bubba Gump Shrimp ресторанлар тармоғида официант бўлиб ишлаган.

Жулианна Мур

Актриса официант бўлиб ишлагани билан фахрланади: «Мен меҳнатсеварман, жуда ҳам яхши официант бўлганман, нима иш бўлишидан қатъи назар яхши бажаришга ҳаракат қилганман», — дейди у бу ҳақда гап кетганда.

Ники Минаж

Ники Red Lobster ресторанида ишлаган, аммо кейинроқ ишдан ҳайдалган. «Мен одамлар билан мулоқот қилишни яхши кўраман, аммо айрим майда-чуйдаларни эслашни хоҳламайман», — дейди у.

Мэрайя Кэри

Хонанда Нью-Йоркка энди кўчиб келганида полда тўшак тўшаб ухлашига ва официант бўлиб ишлашига тўғри келган.

Мадонна

Хонанда турли кафеларда официант бўлиб ишлаган. Маълумотларда айтилишича, у Dunkin’ Donuts’дан ҳайдаб юборилган.

Меган Фокс

Лос-Анжелесга кўчиб келган бўлажак актриса кафеда ишга жойлашган. Айнан ўша иш жойида унга рекламада суратга тушиш таклиф қилинган.

Ева Лонгория

Юлдуз 15 ёшида Wendy’s кафесига ишга кирган. У туғилган кунини нишонлаш учун у ерга ишга кирган.

Аманда Сайфред

Актриса қариялар уйида официант бўлиб ишлаган.