Тошкент шаҳрида 23 май куни кузатилган ёғингарчилик вақтида телеминорага чақмоқ урилгани ва унинг учидаги байроқ ёниб кетгани тўғрисида хабар берилганди. Кейинроқ ушбу хабар ўз тасдиғини топмаган. «Радиоалоқа, радиоэшиттириш ва телевидение маркази» ДУК ижтимоий тармоқларда «чақмоқ ургани» тасвирланган видеога муносабат билдирди.
Тошкент шаҳрида кузатилган ноқулай об-ҳаво шароити вақтида Тошкент телеминорасига тўғридан-тўғри чақмоқ уриш ҳодисаси содир бўлмаган, яъни видео олинган ракурсдан чақмоқ ургани қайд этилган бўлса-да, аслида чақмоқ уриши телеминорадан маълум бир масофада бўлиб ўтган.Аввалроқ Фавқулодда вазиятлар вазирлиги матбуот хизмати телеминорага «ҳақиқатан ҳам чақмоқ урилгани»ни, бироқ бунинг оқибатида иншоотга шикаст етмаганини, телеминора одатдаги тартибда ишлаётганини маълум қилганди.Тошкент телеминорасининг байроғи ёнган видео ҳам ёлғон хабар бўлиб, телеминора байроғининг паст қисмидаги огоҳлантирувчи қизил чироқлар шуъласи байроққа тушиб, ушбу ҳолатни акс эттирган.
Республикамизнинг ноёб архитектура иншооти бўлмиш Тошкент телеминораси кучли чақмоқ уришига қарши ҳимоя тизими ва ерга уланиш контурлари билан таъминланган бўлиб, чақмоқ уриш хавфидан тўлиқ ҳимояланган. Бугунги кунда Тошкент телеминорасида барча техник қурилмалар барқарор ишламоқда ва аҳолига телерадиодастурлар узлуксиз тарқатиб келинмоқда.
«Радиоалоқа, радиоэшиттириш ва телевидение маркази» ДУК
Изоҳ (0)