Бандлик ва меҳнат муносабатлари вазири Нозим Ҳусанов 23 май куни «Тошкент 5 ташаббус ҳаракати» ёшлар фестивали доирасидаги учрашувда Ўзбекистондаги ишсизлик даражасига оид саволга жавоб қайтарди. Бу ҳақда «Дарё» мухбири хабар бермоқда.
«Коронавирус пандемияси туфайли ўтган йили ишсизлик кўпайди. Меҳнатга лаёқатли фуқароларга нисбатан, учинчи чорак натижаларига кўра (2020 йил), бизнинг мамлакатда ишсизлик даражаси 15 фоизни ташкил этди. 2021 йилнинг биринчи чораги натижаларига кўра 10,5 фоиз. Тизимли ишлар бу борада салбий кўрсаткичларнинг пасайишига ёрдам берди. 2021 йилнинг биринчи чораги ва 2020 йилнинг тўртинчи чораги давомида жойларда корхоналарни қайта тиклаш бўйича кенг кўламли тадбирлар ўтказилди. Баъзи тадбиркорларга зарарларини қоплашлари учун кредит таътиллари ёки муддатларини узайтириш ҳамда бошқа чоралар кўрилган.
Яқинда янги иш ўринлари яратиш дастури тасдиқланди, уларнинг сони 457 мингтани ташкил этади. Бир неча йўналишларда — янги инвестиция лойиҳаларини жорий этиш, янги минтақавий инвестиция лойиҳаларини амалга ошириш, янги тадбиркорлик субъектларини яратиш, шунингдек, ижтимоий соҳада ижтимоий объектларни қуриш орқали ҳам иш ўринларини яратиш режалаштирилган. Бизнинг вазирлик жараённи назорат қилади, мониторинг олиб боради, барча нормалар ва режаларга риоя қилиниши бўйича Вазирлар Маҳкамасига маълумот тақдим этади», — деди вазири Нозим Ҳусанов.
Изоҳ (0)