Ёз мавсумида кийиш тавсия қилинмайдиган, аллақачон урфдан қолган 8 пойабзал модели

Нотўғри танланган (ёки очиқчасига айтганда, хунук) пойабзал нафақат образни, балки сиз ҳақингиздаги умумий таассуротни ҳам бузиши мумкин.

Тўқилган этиклар

Дизайнерлар томонидан тўқилган этиклар энг ёмон пойабзал деб бир неча марта айтилган. Аммо ушбу пойабзал мухлисларини ҳали ҳам шаҳар кўчаларида учратиш мумкин. Агар бундай «пошнали пайпоқлар» шкафингизда бўлса, дарҳол улардан қутулинг!

Тешикли этиклар

Яна бир дидсизлик намунаси бўлган — тешикли чармдан қилинган «ёзги этик». Шунга ўхшаш бўлган яна бир пойабзал — пошнали ботилён. Биринчисини ҳам, иккинчисини ҳам кийиш тавсия этилмайди, агар ёзда ёпиқ пойабзал кийишни хоҳласангиз, казаки, ботинка ёки мартенс кийганингиз маъқул.

Резинали сланцилар

Биринчидан, шаҳарда резинали сланци кийиб юриш аллақачон урфдан қолган, иккинчидан, бугунги кунда дўконларда чиройли ва қулай сандаллар танлови тақдим этиладики, сланциларга бўлган қизиқиш ўз-ўзидан йўқолади.

Гладиатор-сандаллар

Гладиатор-сандаллар билан оёқларингиз калта кўринишини хоҳламасангиз керак? Ҳатто етарлича узун оёқли қизларни ҳам калта оёқли гномларга айлантириш учун улар ҳақиқатан ҳам сеҳрли хусусиятга эга.

Кроссовка-танкеткалар

Бундай кроссовкалар юз йил олдин урфдан чиқиб кетганлигини унутган бўлсангиз ҳам бу каби ёзги пойабзал шкафда камида ғалати кўринади.

Туёқсимон босоножкалар

Бир вақтлар севимли ёзги пойабзал бўлган бундай босоножкалар романтик ёзги кўйлаклар ва замонавий комбинезонлар билан биргаликда ажойиб образ ҳосил қила оларди. Аммо бундай пойабзаллар узоқ ўтмишда қолди ва уларни шкафда сақлашдан фойда йўқ.

Балеткалар

Чиройли ва замонавий балетка топиш сиз ўйлаганингиздан осон — энг муҳими, олд қисми думалоқ, чети бўйлаб резина тасма билан қопланган дидсиз моделларни харид қилманг.

Крокслар

Агар кроксларни фақат шаҳар ташқарисида, дала ҳовлиларда кийсангиз, ҳеч қандай муаммо йўқ. Аммо бундай пойабзални шаҳарда кийиш яхши фикр эмас.