Ўзбекистонда уй-жой ва тижорат биноларини рўйхатдан ўтказиш қиймати ўзгартирилмоқда, деб хабар беради Norma. Бу Вазирлар Маҳкамасининг 18 майдаги «Давлат кадастри соҳасида давлат хизматлари нархларини белгилашда табақалаштирилган ёндашув тартибини такомиллаштириш тўғрисида 2014 йил 10 июлдаги 186-сон қарорига ўзгартириш киритиш ҳақида»ги қарорида кўзда тутилган.
Эндиликда кўчмас мулк объектларининг нотурар бино ва иншоотларга оид қисмига кадастр паспортини тайёрлаш ва кадастр ҳужжатларини расмийлаштириш қуйидагича бўлади:
- Умумий майдони 100 квадрат метргача бўлган кўчмас мулк — БҲМнинг 1 баравари (245 минг сўм);
- Умумий майдони 100 квадрат метрдан 1000 квадрат метргача бўлган кўчмас мулк — объектнинг 1 квадрат метр майдони учун БҲМнинг 1,15 фоизи;
- Умумий майдони 1000 квадрат метрдан 5000 квадрат метргача бўлган кўчмас мулк — БҲМнинг 34,5 баравари (4 226 250 сўм);
- Умумий майдони 5000 квадрат метрдан 15000 квадрат метргача бўлган кўчмас мулк — БҲМнинг 34,5 баравари (8 452 500 сўм);
- Умумий майдони 15000 квадрат метрдан 50000 квадрат метргача бўлган кўчмас мулк — БҲМнинг 34,5 баравари (14 087 500 сўм);
- Умумий майдони 50000 квадрат метрдан ортиқ бўлган кўчмас мулк — БҲМнинг 34,5 баравари (19 722 500 сўм).
- Кўп квартирали уйдаги квартира — объектнинг 1 квадрат метр майдони учун БҲМнинг 1,15 фоизи;
- Якка тартибдаги турар жой — объектнинг 1 квадрат метр майдони учун БҲМнинг 1,15 фоизи.
Изоҳ (0)