Bugun,

  • USD 11095.31
  • RUB 173.84
  • EUR 10772.44

O‘zbekiston davlat kadastrini baholash tizimini yaratish va soliq boshqaruv tizimini rivojlantirish uchun Rossiyadan texnik yordam jalb qildi. Bu haqda Moliya vazirligi matbuot xizmati xabar berdi.

Foto: Moliya vazirligi matbuot xizmati

Foto: Moliya vazirligi matbuot xizmati

O‘zbekiston va Rossiya o‘rtasida ikkita idoralararo bitim 14-aprel kuni Toshkentda imzolandi. Unda Rossiya davlat ro‘yxatga olish, kadastr va kartografiya federal xizmati va Moliya vazirligi ishtirok etdi.

Vazirlik xabarida aytilishicha, ushbu hujjatlar Rossiya tomonidan O‘zbekistonga soliq ma’muriyati tizimini rivojlantirish, shu jumladan, ko‘chmas mulkni soliqqa tortishni takomillashtirish hamda soliq to‘lovchilar bilan ishlash tizimini yaratish maqsadida bepul texnik yordam ko‘rsatish to‘g‘risidagi 2019—2020-yillardagi bitim doirasida amalga oshirilgan ishlarning davomidir.

“Gazeta.uz”ning Rossiya hukumati matbuot xizmatiga tayanib yozishicha, hamkorlikning birinchi bosqichida uchta yo‘nalish — soliq ma’muriyatining biznes-jarayonlarini reinjiniring qilish, soliq to‘lovchilar bilan ishlashning mijozga yo‘naltirilgan tizimini yaratish va ko‘chmas mulkni soliqqa tortish tizimini takomillashtirish bo‘yicha takliflarni tayyorlash bo‘yicha ishlar yakunlandi.

Biznes jarayonlarni reinjiniring qilish doirasida Rossiya tomoni O‘zbekiston soliq organlarining avtomatlashtirilgan axborot tizimini modernizasiya qilish konsepsiyasini ishlab chiqdi. Biznes jarayonlarini loyihalash va modellashtirish metodologiyasini o‘tkazdi va biznes jarayonlarni tavsifladi. Dasturdan tajribali foydalanish maqsadida Rossiyada ishlab chiqarilgan server uskunalari asosida tajriba stendi yaratildi.

O‘zbekiston Davlat soliq qo‘mitasi tuman inspeksiyalari 166 nafar xodimi aloqa o‘rnatish qoidalari va soliq to‘lovchilar bilan o‘zaro aloqalar texnikasi bo‘yicha Rossiyada o‘qitildi. O‘zbekiston soliq organlarida soliq to‘lovchilar bilan ishlashni tashkil etish konsepsiyasi ishlab chiqildi. Soliq to‘lovchilar bilan o‘zaro munosabatlarning amaldagi modeli har tomonlama tahlil qilindi.

Ko‘chmas mulkni soliqqa tortish tizimini takomillashtirish bo‘yicha ishlar doirasida mol-mulkni soliqqa tortish bo‘yicha amaldagi tizim, shu jumladan, mol-mulk obyektlarini ro‘yxatga olish, hisobga olish tahlil qilindi. O‘zbekistonda ko‘chmas mulkni soliqqa tortishni takomillashtirish konsepsiyasi va uni amalga oshirish bo‘yicha “yo‘l xaritasi” ishlab chiqildi.

Hamkorlikning ikkinchi bosqichi, shuningdek, texnik xodimlar uchun treninglarni tashkil etish va o‘tkazish, dasturiy ta’minotni sinovdan o‘tkazish va amalga oshirish jarayonlarini qo‘llab-quvvatlash, Ma’lumotlarni qayta ishlash markazini Rossiyada ishlab chiqarilgan IT-hisoblash infratuzilmasi bilan jihozlash, arxitektura-texnik nazorat va texnik xodimlar konsaltingini o‘z ichiga oladi.

“Rossiya tomonidan beriladigan texnologiyalar O‘zbekistonga budjet tizimining barqarorligini, iqtisodiyotning shaffofligini oshirishga va halol soliq to‘lovchilarga nisbatan ma’muriy bosimni kamaytirishga yordam beradi”, — deyiladi xabarda.

Izoh
Asosiy yangiliklar
Kino
Kino ijodkorlar tomonidan ishora qilingan, ammo ko‘pchilik payqamagan mashhur filmlardagi detallar (foto)
Dunyo
AQSH osmonida razvedkachi havo shari aniqlandi. Pentagon sharni Xitoyga tegishli deb hisoblamoqda (video)
Mahalliy
O‘zbekistonning qator hududlarida 4-fevral kuni ham yomg‘ir yog‘adi