19 май куни Фарғона вилоятининг Учкўприк туманидаги Катта Қўштепа қишлоғида Damas ва «Т-28» трактори иштирокида йўл-транспорт ҳодисаси содир бўлди, деб хабар беради вилоят ИИБ ахборот хизмати.
Маълум қилинишича, Х.А. исмли фуқаро бошқарувида бўлган Damas ўзидан олдинда ҳаракатланаётган «Т-28» тракторининг тиркамаси билан тўқнашиб кетган.
Авария оқибатида Damas ичида бўлган йўловчилардан бири олинган тан жароҳатлари оқибатида воқеа жойида вафот этган.
Ҳолат юзасидан Учкўприк тумани ИИБ Тергов бўлими томонидан Жиноят кодексининг 266-модда (транспорт воситалари ҳаракати ёки улардан фойдаланиш хавфсизлиги қоидаларини бузиш) 2-қисми билан жиноят иши қўзғатилган, тергов ҳаракатлари давом этмоқда.
Аввалроқ Фарғонада Nexia «КамАЗ»га урилиши оқибатида 2 киши вафот этгани, Наманганда Nexia дарахтга урилиши оқибатида бир йўловчи ҳалок бўлгани, Чинозда Damas ЙПХ инспекторининг радар ўрнатилган Nexia’сига бориб урилгани тўғрисида хабар берилганди.
Изоҳ (0)