Ўзбекистоннинг барча ҳудудларида ўтказилган сўровларда бор-йўғи 13 фоиз аҳоли тиббиётда ижобий ўзгаришларни сезаётганини билдирган. Бу ҳақда айни пайтда Президент Шавкат Мирзиёев раислигида ўтказилаётган йиғилишда давлат раҳбари қайд этди, дея хабар бермоқда «Дарё» мухбири.
«Айниқса, Андижон, Хоразм ва Тошкент вилоятларида яшовчи аҳоли бу соҳадаги ишлар аҳволидан норози.
Сўнгги бир йил ичида тиббий хизмат сифатини оширишга қаратилган 20 дан ортиқ фармон ва қарорлар қабул қилиниб, барча масалалар ҳал қилиб берилди.
2021 йилда бюджетдан 21 триллион сўм ажратилди. Бу 2017 йилга нисбатан 3 баравар кўп. Лекин вазир ўринбосарларининг масъул участкаси масалани ҳал қилишда ваколати бўлмаса, фидойи бўлиб, пастга тушиб, бевосита маҳаллада ишни ташкил қилмаса, ислоҳотлар аҳолигача етиб бориши қийин.
Шу боис бугундан бошлаб барча вазир ўринбосарлари ўз йўналишлари бўйича ислоҳотлар натижадорлигига масъулиятни тўлиқ олган ҳолда, шахсан жавоб беради. Шунинг учун бугун вазир ва унинг ўринбосарлари муаммоларни ечиш ва ҳал қилиш бўйича ўз таклиф ва режаларини айтиши керак», – деди Президент.
Бундан аввал Шавкат Мирзиёев тиббиёт тизимида 5 та йўналишда жиддий ўзгаришлар қилинишини айтганди.
Изоҳ (0)