Тошкент шаҳри Бектемир туманида эри билан жанжаллашиб қолган аёл ўз жонига қасд қилмоқчи бўлди, дея хабар қилмоқда Тошкент шаҳар ИИББ.
Маълум қилинишича, 16 май куни тахминан соат 12:00 да Бектемир тумани ИИО ФМБнинг навбатчилик қисмига келиб тушган хабарга кўра, номаълум аёл юқори волтли электр узатувчи тармоқ устунига чиқиб, ўз ҳаётига суиқасд қилмоқчи бўлган.
Воқеа жойига шу заҳоти ички ишлар органлари ходимлари етиб келган. Кўрилган чоралар натижасида аёлнинг ҳаёти асраб қолинди.
Уни ерга тушириб, тиббиёт ходимлари назорати остида қилган ишининг сабаби ҳақида саволлар берилди. Аёл эри билан уришиб қолгани сабабли бу ишни қилганини маълум қилди. Эр-хотинлар билан профилактик суҳбатлар ўтказилди.
Бундан аввал Бухорода хотинини пичоқлашга уринган эр қўлга олингани, Хоразмда 19 ёшли келин ўз жонига қасд қилгани юзасидан жиноий иш қўзғатиш рад этилганди, сўнгра иш яна қайта тиклангани ҳамда Сурхондарёда туман ИИБ бошлиғининг собиқ ўринбосари ўзини осиб қўйгани ҳақида хабар берилганди.
Изоҳ (0)