Ўзбекистон терма жамоаси ЖЧ—2022 ва Осиё Кубоги—2023 қўшма саралаш босқичи доирасидаги ўйинларга тайёргарлик кўриш учун йиғин ўтказади.
Вадим Абрамов мазкур йиғинга жалб қилинган футболчилар кенгайтирилган таркибини эълон қилди. Ундан 39 нафар футболчи ўрин олди. Йиғин якунида саралаш ўйинларида иштирок этиш учун Саудия Арабистонига борадиган футболчилар рўйхати маълум қилинади.
Мазкур йиғинни жароҳат сабаб Остон Ўрунов ва Жасур Яхшибоев ўтказиб юборади.
Дарвозабонлар: Абдувоҳид Неъматов («Насаф»), Валижон Раҳимов («ОКМК»), Санжар Қувватов («Пахтакор»), Равшанбек Ягудин («Бунёдкор»);
Ҳимоячилар: Анзур Исмоилов, Фаррух Сайфиев, Ҳожиакбар Алижонов, Иброҳимхалил Йўлдошев (барчаси «Пахтакор»), Ислом Тўхтахўжаев («Қизилқум»), Санжар Қодирқулов, Ислом Қобилов (иккиси «Локомотив»), Рустам Ашурматов («Канвон», Жанубий Корея), Олег Зотеев («Чоннам Драгонс», Жанубий Корея), Мурод Холмуҳаммедов («Қўқон-1912»), Азим Аҳмедов («Навбаҳор»), Умар Эшмуродов («Насаф»);
Ярим ҳимоячилар: Одил Аҳмедов («Чанчжоу», Хитой), Отабек Шукуров («Шаржа», БАА), Жалолиддин Машарипов, Одил Ҳамробеков (иккиси «Шабоб ал-Аҳли»), Икром Алибоев («Тежон», Жанубий Корея), Жамшид Искандаров («Соннам», Жанубий Корея), Лутфулла Тўраев («Бунёдкор»), Вагиз Галиулин («Нефтьхимик», Россия), Ҳожимуҳаммад Эркинов, Аброр Исмоилов, Шароф Муҳитдинов (барчаси «Пахтакор»), Ҳусниддин Ғофуров, Санжар Шоаҳмедов (иккиси «ОКМК»), Достон Ҳамдамов («Ҳатта», БАА), Жавоҳир Қаҳрамонов, Искандар Шойқулов («Сўғдиёна»), Ойбек Бозоров («Насаф»);
Ҳужумчилар: Элдор Шомуродов («Женоа», Италия), Шаҳзод Убайдуллаев («Шахтёр Солигорск», Беларусь), Темурхўжа Абдухолиқов («Локомотив»), Игорь Сергеев («Ақтўбе», Қозоғистон), Фаррух Икромов («Бунёдкор»), Шохруз Норхонов («Сўғдиёна»).
Ўзбекистон терма жамоаси 20 май куни Тошкентда йиғинни бошлайди. 28 май куни терма жамоа делегацияси БААга жўнаб кетади ва 29 май куни Дубай шаҳрида Австралия терма жамоаси билан назорат ўйинини ўтказади. Шундан кейин Абрамов шогирдлари Саудия Арабистонига йўл олади.
Марказлаштирилган тизимда ўтказиладиган мусобақада Ўзбекистон терма жамоаси Сингапур (7 июнь), Яман (11 июнь) ва Саудия Арабистони (15 июнь) билан ўйнайди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)