Футбол бўйича ОФК Кубоги гуруҳ босқичи 2-тури доирасида «Насаф» 17 май, душанба куни «Хўжанд» билан баҳс юритди.
Учрашувда тезкор гол киритилди. 9-дақиқада Акмал Мозговой қанотдан ошириб берилган тўпни дарвозага жойлаб қўйди ва қаршиликларни ҳисобда олдинга олиб чиқди. Биринчи бўлим якунланиши арафасида «аждарлар» яна икки бор тожик жамоаси дарвозасига йўл топди. Голларга Ҳусниддин Алиқулов ва Шерзод Насруллаев муаллифлик қилди.
Ўртача темпда ўтган иккинчи 45 дақиқаликда эса дарвозаларга бошқа тўп киритилмади.
Шу тариқа Рўзиқул Бердиев бошчилигидаги «Насаф» кетма-кет иккинчи ўйинда йирик ҳисобдаги ғалабани тантана қилди. Жамоа биринчи турда Қирғизистоннинг «Олой» клубини 4:0 ҳисобида мағлуб этганди. Қаршиликлар гуруҳдан чиқиш учун 3-турда «Олтин Аср»га (Туркманистон) ютқазмаслиги керак. Туркман клубини эса фақат ғалаба қониқтиради.
Иккинчи турдан кейинги гуруҳдаги ҳолат:
ОФК Кубоги
2-тур баҳси
17 май, душанба
«Хўжанд» — «Насаф» 0:3
Голлар: 0:1 — 9 Мозговой, 0:2 — 42 Алиқулов, 0:3 — 45+1 Насруллаев.«Хўжанд»: 88. Алексей Матросов, 7. Артём Сердюк, 10. Дилшод Бозоров, 12. Эҳсон Бобоев (6. Ҳожибоев Зиёев, 71), 13. Нозим Бобожонов (14. Тоҳир Маладўстов, 71), 18. Далер Ёдгоров, 20. Самандар Очилов, 21. Фирдавс Чакалов, 66. Наимжон Иброҳимзода (9. Парвиз Боқи Охунов,, 71), 70. Абдулмўмин Забиров, 77. Грек Максим.
«Насаф»: 35. Абдувоҳид Неъматов, 4. Ҳусниддин Алиқулов, 5. Ғолиб Ғайбуллаев (8. Дилшод Саидов, 62), 19. Ҳусайн Норчаев ( 25. Муҳриддин Зоиров, 62), 20. Суҳроб Нуруллоев (55. Шаҳзод Акрамов, 76), 22. Акмал Мозговой, 34. Шерзод Насруллаев (15. Жўрабек Маннонов, 62), 50. Шоҳмалик Комилов (70. Абубакр Ризо Турдиалиев, 78), 77. Ойбек Бозоров, 88. Марко Станоевич, 92. Умар Эшмуродов.
Огоҳлантириш: Нозим Бобожонов (70).
Изоҳ (0)