O‘zbekiston terma jamoasi JCh—2022 va Osiyo Kubogi—2023 qo‘shma saralash bosqichi doirasidagi o‘yinlarga tayyorgarlik ko‘rish uchun yig‘in o‘tkazadi.
Vadim Abramov mazkur yig‘inga jalb qilingan futbolchilar kengaytirilgan tarkibini e’lon qildi. Undan 39 nafar futbolchi o‘rin oldi. Yig‘in yakunida saralash o‘yinlarida ishtirok etish uchun Saudiya Arabistoniga boradigan futbolchilar ro‘yxati ma’lum qilinadi.
Mazkur yig‘inni jarohat sabab Oston O‘runov va Jasur Yaxshiboyev o‘tkazib yuboradi.
Darvozabonlar: Abduvohid Ne’matov (“Nasaf”), Valijon Rahimov (“OKMK”), Sanjar Quvvatov (“Paxtakor”), Ravshanbek Yagudin (“Bunyodkor”);
Himoyachilar: Anzur Ismoilov, Farrux Sayfiyev, Hojiakbar Alijonov, Ibrohimxalil Yo‘ldoshev (barchasi “Paxtakor”), Islom To‘xtaxo‘jayev (“Qizilqum”), Sanjar Qodirqulov, Islom Qobilov (ikkisi “Lokomotiv”), Rustam Ashurmatov (“Kanvon”, Janubiy Koreya), Oleg Zoteyev (“Chonnam Dragons”, Janubiy Koreya), Murod Xolmuhammedov (“Qo‘qon-1912”), Azim Ahmedov (“Navbahor”), Umar Eshmurodov (“Nasaf”);
Yarim himoyachilar: Odil Ahmedov (“Chanchjou”, Xitoy), Otabek Shukurov (“Sharja”, BAA), Jaloliddin Masharipov, Odil Hamrobekov (ikkisi “Shabob al-Ahli”), Ikrom Aliboyev (“Tejon”, Janubiy Koreya), Jamshid Iskandarov (“Sonnam”, Janubiy Koreya), Lutfulla To‘rayev (“Bunyodkor”), Vagiz Galiulin (“Neftximik”, Rossiya), Hojimuhammad Erkinov, Abror Ismoilov, Sharof Muhitdinov (barchasi “Paxtakor”), Husniddin G‘ofurov, Sanjar Shoahmedov (ikkisi “OKMK”), Doston Hamdamov (“Hatta”, BAA), Javohir Qahramonov, Iskandar Shoyqulov (“So‘g‘diyona”), Oybek Bozorov (“Nasaf”);
Hujumchilar: Eldor Shomurodov (“Jenoa”, Italiya), Shahzod Ubaydullayev (“Shaxtyor Soligorsk”, Belarus), Temurxo‘ja Abduxoliqov (“Lokomotiv”), Igor Sergeyev (“Aqto‘be”, Qozog‘iston), Farrux Ikromov (“Bunyodkor”), Shoxruz Norxonov (“So‘g‘diyona”).
O‘zbekiston terma jamoasi 20-may kuni Toshkentda yig‘inni boshlaydi. 28-may kuni terma jamoa delegatsiyasi BAAga jo‘nab ketadi va 29-may kuni Dubay shahrida Avstraliya terma jamoasi bilan nazorat o‘yinini o‘tkazadi. Shundan keyin Abramov shogirdlari Saudiya Arabistoniga yo‘l oladi.
Markazlashtirilgan tizimda o‘tkaziladigan musobaqada O‘zbekiston terma jamoasi Singapur (7-iyun), Yaman (11-iyun) va Saudiya Arabistoni (15-iyun) bilan o‘ynaydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)