«Тоттенҳэм» ҳужумчиси Ҳарри Кейн ёзги трансфер ойнасида клубини алмаштирмоқчи.
Англиялик футболчи ёзда жамоани тарк этмоқчи ва бу ҳақда раҳбариятни огоҳлантирган. Унга «Манчестер Юнайтед», «Манчестер Сити» ва «Челси»дан қизиқиш бор.
The Telegraph хабарига кўра, лондонликлар президенти Дэниэл Леви 27 ёшли футболчини инглиз клубларига қўйиб юбормоқчи эмас ва уни 150 миллион фунтга (175 млн евро) баҳоламоқда.
Даъвогарлар орасида «Челси» етакчилик қилмоқда, бироқ манбага кўра, «Тоттенҳэм» ва «Челси» ўртасидаги кучли рақобат сабаб музокаралар жараёни ўта қийин бўлади.
Кейн Премьер Лига 2020/21 йилги мавсумида 33 ўйин ўтказиб, 22 та гол ва 13 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)