Фарғона вилоятининг Данғара туманида «ЗИЛ» тиркамасига бориб урилган Cobalt’да бир киши ҳалок бўлди. Бу ҳақда вилоят ИИБ матбуот хизмати хабар берди.

Фото: Фарғона вилояти ИИБ матбуот хизмати

Воқеа 15 май куни юз берган. Ҳ.Қ. Cobalt’ни «Чинобод» МФЙ ҳудудида бошқариб кетаётиб, йўл четида тўхтаб турган ҳайдовчи Қ.Ж. бошқарувидаги «ЗИЛ»нинг тиркамасига бориб урилган. Оқибатда Cobalt йўловчиси К.Ғ. ҳодиса жойида вафот этган. Машинадаги яна бир йўловчи Т.У. ва йўл четида бўлган вояга етмаган пиёда Б.Б. тан жароҳати билан шифохонага ётқизилган.

Фото: Фарғона вилояти ИИБ матбуот хизмати

Фото: Фарғона вилояти ИИБ матбуот хизмати

Фото: Фарғона вилояти ИИБ матбуот хизмати

Ҳолат юзасидан Данғара тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми билан жиноят иши қўзғатилиб, тергов ҳаракатлари давом этмоқда.

Аввалроқ Жиззахда Isuzu тўхтаб турган «КамАЗ»га урилиши оқибатида ҳайдовчилардан бири вафот этгани, Фарғонада Nexia «КамАЗ»га урилиши оқибатида 2 киши вафот этгани, Наманганда Nexia, Damas ва УАЗ иштирокидаги ЙТҲда 2 киши ҳалок бўлгани ҳақида хабар берилган эди.