Farg‘ona viloyatining Dang‘ara tumanida “ZIL” tirkamasiga borib urilgan Cobalt’da bir kishi halok bo‘ldi. Bu haqda viloyat IIB matbuot xizmati xabar berdi.
Voqea 15-may kuni yuz bergan. H.Q. Cobalt’ni “Chinobod” MFY hududida boshqarib ketayotib, yo‘l chetida to‘xtab turgan haydovchi Q.J. boshqaruvidagi “ZIL”ning tirkamasiga borib urilgan. Oqibatda Cobalt yo‘lovchisi K.G‘. hodisa joyida vafot etgan. Mashinadagi yana bir yo‘lovchi T.U. va yo‘l chetida bo‘lgan voyaga yetmagan piyoda B.B. tan jarohati bilan shifoxonaga yotqizilgan.
Holat yuzasidan Dang‘ara tumani IIB huzuridagi tergov bo‘linmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib, tergov harakatlari davom etmoqda.
Avvalroq Jizzaxda Isuzu to‘xtab turgan “KamAZ”ga urilishi oqibatida haydovchilardan biri vafot etgani, Farg‘onada Nexia “KamAZ”ga urilishi oqibatida 2 kishi vafot etgani, Namanganda Nexia, Damas va UAZ ishtirokidagi YTHda 2 kishi halok bo‘lgani haqida xabar berilgan edi.
Izoh (0)