Кир ювиш машинаси ўрнига музлаткичдан фойдаланиш мумкин бўлган 9 вазият

Кун давомида кир ювадиган машинани тинимсиз ишлатмасдан вақт-вақти билан дам бериб туришингизга ҳисса қўшадиган тавсияларни эътиборингизга ҳавола этамиз.

Свитер толалари тўкилмаслиги учун

Свитер толалари тўкилишига нуқта қўйиш учун уни пакет ичига солиб, музлаткич ичига қўйинг. Ушбу усул, айниқса, жун ва кашемир матосидан тикилган кийимларда яхши самара беради.

Жинсини тозалаш

Жинси ҳар гал ювилганидан кейин ранги ўчадиган бўлса, уни камроқ ювиш, бунинг ўрнига музлаткичга қўйиш керак. Совуқ ҳароратда ёмон ҳид таралишига сабаб бўладиган бактериялар ўлади ва шилвираб қолган мато ўзига келади.

Пойабзални кенгайтириш учун

Ичи совуқ сув билан тўлдирилган пакетни пойабзал ичига солинг ва уни музлаткичга қўйинг. Суюқлик музга айлангани ҳисобига оёқ кийимни кенгайишига ҳисса қўшади.

Сақичдан қолган изни бартараф қилиш учун

Либос ёки матога ёпишган сақични бартараф қолиш учун муз бўлакларидан фойдаланинг ёки кийимни музлаткич ичига қўйинг. Совуқ ҳароратда қотган сақични кўчириш осон бўлади.

Оёқ кийим таглиги

Худди сақич билан бўлган ҳолат сингари пойабзалнинг тагига нимадир ёпишиб қолган бўлса, музлаткичга қўйиш яхши самара беради.

Колготка узоқ хизмат қилсин десангиз

Капрон колготка тез ситилмаслиги учун уни кийишдан аввал муздек сувда оқизинг ва музлаткичга қўйиб қўйинг. Эртаси куни хона ҳароратида қуритинг, шундан кейин узоқ хизмат қилиши аниқ.

Пойабзал ҳидини кетказиш учун

Кечаси музлаткичга қўйган пойабзални эртаси куни кийсангиз, ҳеч қандай ҳид таралмаётганига амин бўласиз.

Куяларни йўқ қилиш

Кийимларга куя тушмаслиги учун уларни 24 соатга музлаткичда қолдиринг.

Чойшабларни янгилаш

Чойшаб ва ёстиқ жилдини янгилаш ювишдан ташқари музлаткичнинг камерасига қўйиш ҳам яхши самара беради. Совуқ ҳарорат бактерияларнинг йўқ бўлишига сабабчи бўлади.