Севимли сумкангиз тезда яроқсиз бўлиб қолмаслиги учун қуйидаги тавсияларга амал қилинг.
Ҳафтада бир марта сумкани совунли сув билан артинг
Суюқ совун аралаштирилган сувга намланган юмшоқ латта билан сумкаларнинг устки қисмини артинг. Ҳафта давомида йиғилган чанг ва кирлар кетади.
Сув ёки намликни дарҳол артиб ташланг
Тозалаш учун намлантирилган салфетка, сирка ва доғ кетказадиган воситалардан фойдаланманг. Буларнинг бари чармни кўчириши, ранги ўзгариши ва бошқа муаммолар келиб чиқишига сабаб бўлиш мумкин.
Доғларни кетказишни профессионалларга топширинг
Сумкаларда катта доғ бўлмасагина, уй-шароитида парвариш қилса бўлади.
Кимёвий тозалаш
Совунли сув билан ҳам кетмаган доғни бартараф қилишни эса кимёвий тозалаш ходимларига ишониб топширган ёки махсус воситалардан фойдаланган яхши.
Эски доғлар
Аксарият ҳолларда эски доғларни махсус воситалар била ҳам кетказиб бўлмайди. Бундай вақтда сумкани кимёвий тозалашга олиб борган яхши.
Ишлатилмаган вақт ичини тўлдириб қўйинг
Шакли ўзгармаслиги учун тутмаётган сумка ичига эски мато ёки кийимларни солиб қўйинг. Ранги чиқиши мумкинлиги сабаб эса газеталардан фойдаланмаганингиз яхши.
Махсус воситадан фойдаланинг
Унутманг, махсус воситалар суртилгани ёки сепилганидан кейин дарҳол ювилмаслиги керак.
Аниқ турга мўлжалланган воситадан фойдаланинг
Замш ва чармнинг ўзига мўлжалланган махсус воситадан фойдаланинг.
Воситалардан фойдаланишдан аввал текшириб кўринг
Сумканинг кўринмайдиган ички қисмига суртиш ёки сепиш орқали синаб кўришингиз мумкин.
Крем суртган қўлингиз билан сумкага тегманг
Акс ҳолда доғларни кетказиш учун кимёвий тозалатишингизга тўғри келиши мумкин.
Тўғри сақлаш
Сумка узоқ вақт хизмат қилиши учун уни тўғри сақлашни ҳам билиш керак. Чанг тегмаслиги учун чангдондан фойдаланинг.
Чангдон тополмасангиз, бошқа нарсадан фойдаланинг
Эски чойшаб ва ёстиқ жилдлари бу борада сизга ёрдам беради.
Ленталардан фойдаланинг
Ленталардан нафақат безак, балки сумка тутқичларини ҳимоя қилиш мақсадида ҳам фойдаланса бўлади.
Қуёш нурлари остида қолдирманг
Қуёш нурлари чармга зарар етказиши мумкинлигини инобатга олинг.
Тўқ рангли кийимлар билан оч рангли сумка тутманг
Кийимнинг ранги чиқиб, сумкага юқиши мумкин.
Пойабзал бўёғи
Кимёвий тозалаш ҳам ёрдам бермаган бўлса, пойабзал бўёғи яхши самара бериши мумкин.
Юмшатадиган совун ва оёқ кийимларга мўлжалланган воситалардан фойдаланманг
Бундай воситалар 99,9 фоиз ҳолатда сумка матосига зарар етказиши мумкин.
Атирдан фойдаланманг
Сумкадан ёмон ҳид келадиган бўлса, атирдан фойдаланманг, тоза ҳавога олиб чиқиб қўйинг.
Разрихлительдан фойдаланинг
Ёмон ҳидларни кетказиш учун разрихлитель яхши самара беради. Очилган қадоқни сумка ичига солиб, уни 24 соатга чангдон ичига солиб қўйинг.
Косметик воситалар
Косметик воситаларни биринчи махсус идиш, кейин эса сумкага солинг.
Мавзуга доир:
Изоҳ (0)