Нарсаларни жойлаштириш учун кичкина уй эгаларига қўл келадиган тавсиялар

Катта бўлмаган турар жойда тартибсизликлар келиб чиқмаслиги ва нарсалар ёйилиб кетмаслиги учун ҳар қаричдан унумли фойдаланиш керак бўлади.

Нарсаларни солиб қўйиш учун махсус чўнтаклари бор матолардан фойдаланинг. Уни харид қилмасдан уй шароитида тикса ҳам бўлади.

Зираворларни музлаткич устида сақлаш жуда ҳам қулай. Магнитли идишлардан фойдаланинг, уларни музлатгич деворларига маҳкамлаш орқали биринчидан полкада бўш жой кўп бўлади.

Девор ва музлатгич орасида 15 см бўш жой бўлса, ғилдираклари бор жавонга маҳсулотларни териб қўйишингиз мумкин.

Раковина тагидаги шкафга эса металл стержен ўрнатиб, чиқиндилар солинадиган пакетлар ёки қоғоз сочиқларни рулон қилиб ўраб қўйса бўлади.

Қоғозлар солишга мўлжалланган металл тўрли идишдан эса сабзавотлар учун мўлжалланган саватча ўрнида фойдаланса бўлади.

Қолаверса, сабзавотларни исталган бўш жойга илиб қўйиш мумкин бўлган тўп қопларда сақласа ҳам бўлади.

Ошхона стол қўйиш учун кичиклик қилса, унда йиғиладиган вариантларга эътибор қаратинг. Деворга маҳкамланадигани эса бу борада мақбул ечим бўла олади.

Ошхона буюмларини сақлаш учун алоҳида жой бўлиши шарт эмас. Шкаф деворига рейлинг ўрнатиб, S шаклидаги илгаклар сотиб олинг ва унинг ёрдамида това ва бошқаларни илиб қўйинг.

Деворга магнитли планка ўрнатиб, пичоқ ва бошқа металлдан ясалган жиҳозларни жойлаштириб қўйинг.

Иложи борича йиғиладиган жиҳозлар, масалан қирғични ҳам шундай вариантдагисини харид қилишга ҳаракат қилинг.

Агар шкафда етарлича жой бўлмаса, илгаклар ўрнатиб кружкаларни илиб қўйсангиз бўлади.

Кичкина хонадонлардаги ювиниш хоналари учун тавсиялар

Юқорида таъкидланганидек кичик хонадон учун харид қилинган нарсалар кўп функцияли бўлгани яхши. Масалан, тескари ўгирилиб деворга қоқилган стулдан косметик воситаларни қўйиш ва сочиқларни илишда фойдаланиш мумкин.

Эшик тепасидаги бўш жойдан сочиқларни тахлаб қўйиш мумкин. Тартибли турсин десангиз, кийимларни тахлаб қутига солинг ва қутиларни бўш жойга қўйинг. Илгакларни деворга маҳкамлаб, кийимларни илиб қўйсангиз бўлади.

Илгакларга ип ўтказилган кичкина челакларни илиб қўйишингиз ва ичига косметик чўткаларни солишингиз мумкин. Сочиқларни қуритиш учун эса деворга металл планка ўрнатинг.

Кичкина ётоқхоналар учун тавсиялар

Ётоқхонада жой оз бўлса, осма столдан фойдаланинг. Буюмларни унинг устига қўйинг, компьютерни устига қўйиб ишлашингиз мумкин.

Майда буюмларни солиб қўйиш учун эса осиб қўйиш мумкин бўлган осма идишни матрасга ёпиштириб қўйинг.

Шунингдек, каравотларидан ҳам китоб жавони сифатида фойдаланиш мумкин.

Қолаверса, китоб жавонини уйнинг исталган бурчагига ясаш мумкин. Бунинг учун бир нечта ёғоч планка, доскалар ва маҳкамлагич керак бўлади.

Кичик хонадонда нарсаларни сақлаш учун тавсиялар

Журнал солишга мўлжалланган идишни бўяб, деворга маҳкамлаб телефон, калит ва майда нарсаларни қўйиш учун полка сифатида фойдаланиш мумкин.

Оттоманка, яъни очиладиган диван ичига мато тикиб, оёқ кийимларни жойласа бўлади.

Қолаверса, пойабзал туриши учун полкаларни ўз қўлингиз билан ясасангиз ҳам бўлади.