Кийим-кечакларнинг узоқ хизмат қилишига ҳисса қўшувчи 26 тавсия

Гардеробдаги либос ва кийим-кечаклар узоқ вақт хизмат қилиш учун тўғри сақлаш ва ювишда ҳам эҳтиёткорликка амал қилиш керак.

Алоҳида ювиш

Оч кийимларни тўқ ранглисидан, ҳаддан ортиқ кир бўлган либосларни эса бироз кирланганидан алоҳида ювинг.

Кир ювадиган машина ичига ҳаддан ортиқ кўп кийим-кечак солманг

Ҳар бир машинага қанча кир солиш мумкинлиги ёзиб қўйилган бўлади. Унга амал қилмаслик нафақат кийимларнинг сифати, балки машина бузилишига ҳам сабаб бўлади.

Шкафларни текширинг

Кийим ва аксессуарларни қуруқ ва салқин жойда, қуёш нури тушмайдиган жойда сақлаш керак.

Жинси

Жинси шим узоқ хизмат қилиши учун уни тескарисини қилиб ювганингиз яхши.

Свитер ва жемперни ҳадеб юваверманг

Бундай кийимларни тез-тез ювиш мато сифати тушиб кетиши ва чўзилишига олиб келади.

Кимёвий тозалатиш

Янги ва мураккаб бўлмаган доғларни қўлда ювган яхши. Чунки кимёвий тозалашда ишлатиладиган моддалар нафақат кийимлар, балки тери учун ҳам зарарли бўлиши, аллергия пайдо қилишига олиб келиши мумкин.

Замок ва шнурларга эътиборли бўлинг

Кир ювишдан аввал кийимнинг замоклари ва шнурлари тақилганини текширинг. Бу ускуна ишдан чиқишининг олдини олади.

Кийим илгич

Сифатсиз, арзон кийим илгичлардан фойдаланиш кийимнинг елка ёки бошқа илинган қисмининг осилиб қолишига сабаб бўлади.

Текислаш учун буғдан фойдаланинг

Кийимларни текислаш учун буғли дазмолдан фойдаланиш мато сифати бузилишининг олдини олади.

Пластикдан фойдаланманг

Кийимларни ҳеч қачон пластик ғилоф ичида сақламанг. Ҳаво кирмаслиги ва ҳарорат юқори бўлиши ҳисобига мато сифатига зарар етади.

Кир ювиш

Агар кийимни бутунлай ювмасдан доғ кетказиш усули бўлса, шундан фойдаланинг. Ҳаддан ортиқ кўп кир ювиш юқорида такрорланганидек, кийимнинг шакли бузилишига олиб келади.

Чангдан сақлайдиган идиш

Сумка ва пойабзаллар солиб сотиладиган идишларни ташлаб юборишга шошилманг. Ундан фойдаланиш кийим-кечакларни чангдан сақлайди.

Алмаштириб кийининг

Ҳар куни битта кийимни алмаштирмасдан кийиш гигиеник жиҳатдан ҳам тўғри эмас. Алмаштириб, ювилган ва дазмолланган кийимларни кийиш керак.

Кир ювиш машинасининг қуритиш функциясидан фойдаланмаганингиз яхши

Табиий йўл билан қуритишнинг имкони бўлса, қуритиш функциясидан фойдаланманг.

Доғ пайдо бўлиши билан уни бартараф қилишга ҳаракат қилинг

Қон, ёғ ва бошқа доғлар вақтида ювиб, тозаланса, уларни буткул кетказишга муваффақ бўлиш мумкин.

Оч рангли кийимларни ташқарида, тўқларини эса ичкарида қуритинг

Қуёш нурлари таъсирида тўқ рангли кийимлар оқариши мумкин. Шунинг учун ҳовли ёки очиқ жойда оч рангли кийимларнигина қуритинг.

Кийимларни мустақил равишда тўқартиришингиз мумкин

Бунинг учун мато бўяшга мўлжалланган қора бўёқ харид қилиб, қадоқдаги қўллаш кўрсатмасига риоя қилиш кифоя.

Ёстиқ жилдларидан фойдаланинг

Кийимларга чанг тушмаслиги учун махсус идишдан ташқари, эски ёстиқ жилдларидан ҳам фойдалансангиз бўлади.

Колготкани музлатинг

Ювиш жараёнида колготкаларда сўкилишлар пайдо бўлмаслиги учун бироз муддатга музлатишни унутманг.

Лавандадан фойдаланинг

Ёқимли ҳид келиб туриши ва куя тушишининг олдини олиш учун кийимлар орасига лаванда солиб қўйинг.

Гардеробда тартиб бўлишига эътибор беринг

Кийимларни кийим илгичларга илиб, шкафга жойланг, свитер ва жемперларни тахлаб қўйинг. Ортиқча ғижим бўлмайди.

Ичини тўлдириш

Мавсумга қараб пойабзал ёки сумкаларни олиб қўйишдан аввал шакли бузилмаслиги учун ичини қоғоз билан тўлдиринг.

Матодан келиб чиқиб ювинг

Ингичка ва юпқа матодан тикилган либосларни махсус қопчаларга солиб, совуқ сувда ювиш керак.

Тўқилган кийимларни кийим илгичларга илманг

Бундай кийимлар чўзилиб қолмаслиги учун тахлаб, шкаф полкасида сақлаган яхши.

Чарм матодан тикилган кийимларга эътиборли бўлинг

Чарм матосидан тикилган пойабзал ва сумкаларга махсус воситалар билан ишлов бериб туришни унутманг.

Комплектларни бирга ювинг

Ҳар сафар ювилганда мато оқариши мумкинлиги сабаб комплектларни биттада ювиш керак.