Тирноқларни парвариш қилиш учун фақат қиммат профессионал маҳсулотлар керак деб ҳисобласангиз, адашасиз — керакли барча нарсалар жуда яқин жойда бўлиши мумкин. Келинг, ошхонани бир кўриб чиқамиз.
Денгиз тузи
Денгиз тузи ноёб таркибга эга. У соғлом ва ёрқин тирноқларни таъминловчи табиий минералларга бой. Тирноқ пластинкасини мустаҳкамлаш ва катикулани юмшатиш учун бир стакан илиқ сувга денгиз тузидан 2 чой қошиғини эритинг ва бармоқларингизни 10 дақиқа давомида сувда ушлаб туринг.
Мавзуга доир: Денгиз тузи қандай мақсадларда қўлланилиши мумкин?
Кокос ёғи таркибида тирноқларни ва уларнинг атрофидаги терини яхши намлайдиган тўйинган ёғлар мавжуд. Олдиндан илитилган оз миқдордаги мойни қўлларингизга суртинг ва қон оқимини яхшилаш ҳамда тирноқларни озиқлантириш учун тирноқ пластинкасини, бармоқларнинг юқори қисмини юмшоқ массаж қилинг.
Мавзуга доир: Гўзаллик учун кокос ёғи фойдалари
Олма сиркаси соғлиқ учун жуда фойдали. Ушбу маҳсулот таркибида кальций, магний ва темир — тирноқни мустаҳкамловчи минераллар мавжуд. Шунингдек олма сиркаси тирноқларни замбуруғлардан ҳимоя қилади. Бунинг учун сирканинг ўзидан фойдаланманг, 1:1 нисбатда сув қўшинг.
ПивоСпиртли ичимликлар ичилса, организмга фойда бермайди. Аммо сиртга суртиш учун ишлатилганда, пиво калий, селен, фосфор ва биотиннинг бой манбаи, яъни тирноқлар ҳолатини яхшилайди. Бундай ваннани тайёрлаш учун бир стакан олма сиркаси, бир стакан пиво ва 0,25 стакан илиқ зайтун мойи керак бўлади. Энг яхши таъсирга эришиш учун тирноқларни эритмада камида 15 дақиқа ушлаб туриш керак. Жараён камида ҳафтасига икки марта мунтазам равишда амалга оширилиши лозим.
Ўсимлик мойиСув ва ювиш воситаларидан тез-тез фойдаланиш қўл ва тирноқлар ҳолатига салбий таъсир қилади. Тери қурийди, ёрилиш бошланади. Қўлингизни сувдан ҳимоя қилиш учун бир неча томчи ўсимлик мойи билан юмшоқ массаж қилинг. Ушбу маҳсулот намликни йўқотади ва терини юмшоқ, майин қиладиган ҳимоя плёнкасини ҳосил қилади.
Мавзуга доир: Киприкларни ўстириш учун 5 та самарали восита
Ушбу иккала маҳсулот ҳам қўл ва тирноқ кремларида кенг қўлланилади. Ёғлар қуруқ терини озиқлантиради, чой дарахти экстракти терини замбуруғ ва бошқа инфекциялардан ҳимоя қилади. Кечаси тери ва тирноқларингизга бир неча томчи ёғдан суртинг, пахта матоли қўлқоп кийиб ётинг.
Мавзуга доир: Тирноқлар учун фойдали ёғлар
Сода нафақат тирноқларни мустаҳкамлайди, балки улар устида қолган ёқимсиз сариқ доғларни йўқотади. Бундан ташқари, антисептик хусусиятлари туфайли ичимлик содаси қўлларни замбуруғ пайдо бўлишидан ҳимоя қилади.
Мавзуга доир: Ош содасидан гўзаллик йўлида фойдаланиш усуллари
Лимон шарбати кучли оқартирувчи воситасидир. Сарғайган тирноқларга табиий рангни тиклаш ва катикула ҳолатини яхшилаш учун яримта лимон шарбатини 1 ош қошиқ шакар билан аралаштиринг. Аралашмани тирноқларингизга ва уларнинг атрофидаги терига суртинг. Аралашмани 5-7 дақиқа давомида тирноқда қолдиринг ва илиқ сув билан ювиб ташланг. Жараён тўрт кунда бир марта амалга оширилиши мумкин. Шундан сўнг бир неча соат давомида қуёш нурларидан сақланиш керак — қуёш нури терининг пигментациясини қўзғатиши мумкин.
Мавзуга доир: Тоза ва тез: Уй тозалашда асқатадиган 6 та лайфхак
Пиёзни иккига бўлинг, ичига тирноқларингизни тиқинг ва 5-7 дақиқа ушлаб туринг. Шундан сўнг қўлларингизни камида бир соат ювмасликка ҳаракат қилинг. Ҳа, ҳидга чидаш осон эмас, лекин пиёз шарбатининг таъсирини кўрганингизда барча ноқулайликларни тезда унутасиз.
Ялпиз ва мойчечакДоривор мойчечак юмшоқ антисептик таъсирга эга, ялпиз мойи эса қон айланишини рағбатлантиради ва тирноқларнинг ўсишини кучайтиради. Мойчечакли дамламани тайёрлаш учун бир стакан сувга 2 ош қошиқ мойчечак, тўртта янги ялпиз барглари ёки бир неча томчи эфир мойи, 1 ош қошиқ зайтун мойи ва 2 ош қошиқ буғдой уни қўшинг. Тайёр аралашмани ҳафтада бир неча марта тирноқ ва катикулаларга суртиш керак. Маҳсулотнинг қолган қисмини музлаткичда сақланг.
Изоҳ (0)