Парвоз вақтида безовталик келиб чиқмаслиги учун самолётда ўзингиз билан олиб кетиладиган буюмлар ҳақида биласизми? Қуйида улар билан танишиб чиқинг.
Уйқу ниқоби ва қулоқ беркитгичлар
Самолётда уйқуга кетиш унчалик ҳам осон эмас. Деразадан тушадиган ёруғлик, қўшнининг овози ва шунга ўхшаган ҳолатлар бунга халақит беради. Ушбу ноқулайликларга дуч келмаслик учун уйқу учун тақиладиган ниқоб ҳамда қулоқ беркитгичларни ён сумкада сақлаш тавсия этилади.
Қулоқчинлар
Албатта, самолётда ҳам қулоқчинлар мавжуд. Аммо улардаги овоз сифати пастлиги туфайли эшитиш бироз қийинчилик туғдириши мумкин. Шунинг учун уйдаги қулоқчинлар юкни унчалик ҳам оғирлаштирмаслиги аниқ, шунингдек, парвоз давомида ундан унумли фойдаланиш мумкин.
Паспорт нусхаси
Қўл сумкасига нафақат паспорт, балки уларнинг нусхасидан ҳам солиш керак. Вазият кутилмаган кўп нарсани талаб қилиши мумкин. Масалан, паспортнинг йўқолиши натижасида парвозда муаммолар пайдо бўлиши ҳеч гап эмас. Шунинг учун унинг нусхаси билан элчихонага бора олиш ва юкларни олиш мумкин.
Ёмғирпўш
Ҳамма самолётларда ҳам аэропорт биносига олиб борувчи махсус зинапоялар мавжуд эмас. Баъзида бинога кириш учун аэродром атрофида бироз сайр қилишга ҳам тўғри келади. Шундай вақтда ёмғир ёғишни бошласа, ёмғирпўш энг керакли буюмга айланади.
Оғриқсизлантирувчи дори воситалари
Бир неча соат давомида парвоз қилиш, албатта, бош ёки бўғимлар оғриғига олиб келади. Шунинг учун оғриқсизлантирувчи дори воситаси ҳамиша энг яқин жойда сақланиши керак. Бундан ташқари, дори воситасининг номи аниқ ҳамда қадоғи осон очилиши керак.
Изоҳ (0)