Муқаддас Рамазон ҳайити байрами арафасида Eriell Group томонидан «Меҳрибонлик» ижтимоий ўзаро ёрдам ногиронлар жамиятининг Юнусобод бўлими ва Тошкент вилояти ихтисослаштирилган болалар уйига хайрия ёрдами кўрсатилди.
Рамазон ҳайити – қадимий ва муқаддас байрам, унинг асосий мақсади маънавий, ахлоқий покланиш. Ушбу куннинг энг муҳим анъаналаридан бири муҳтожларга ёрдам кўрсатиш, закот бериш ҳисобланади. Кўпгина оилалар манзилли қўллаб-қувватлашга ва васийликка муҳтож, аммо жамиятимизнинг заиф қатламларига алоҳида эътибор қаратиш лозим.
Замонавий дунёда, бошқаларнинг тақдирига бефарқ бўлмаслик, шунингдек, инсоний қадриятларни ва фазилатларни йўқотмаслик жуда муҳим. Тақдир кимгадир кулиб боққан бўлса, кимлардир ёрдамга муҳтож эканлигини унутмаслигимиз лозим.
Eriell Group хайрия ишларида фаол иштирок этиб келмоқда, жумладан, алоҳида эҳтиёжга эга бўлган инсонларни қўллаб-қувватлашга эътибор қаратмоқда ва байрамлар арафасида, анъанавий равишда мамлакатимиздаги ихтисослаштирилган муассасаларга ёрдам кўрсатмоқда.
Рамазон ҳайити байрами арафасида «Меҳрибонлик» ижтимоий ўзаро ёрдам ногиронлар жамиятининг Юнусобод бўлимига хайрия ёрдами кўрсатилди. Жамият қарамоғида бўлган 210 нафар инсон учун озиқ-овқат маҳсулотлари харид қилинди ва топширилди.
Eriell Group ходимлари ҳам хайрия тадбирларида фаол иштирок этмоқда. Рамазон ҳайити муносабати билан Тошкент вилояти ихтисослаштирилган болалар уйига ёрдам кўрсатиш учун маблағ йиғиш ташкил этилди. Мазкур болалар уйи психофизик ривожланишнинг турли хил бузилишларига эга 7 ёшгача бўлган, 100 нафар бола учун мўлжалланган. Шифокорлар ва тиббиёт ходимлари болаларнинг саломатлигини яхшилаш билан бирга профессионал ўқитувчилар ва мутахассислар уларнинг таълим тарбияси билан шуғулланади.
Ходимлар томонидан тўпланган маблағлар зарур озиқ-овқат, дори-дармон ва уй-рўзғор буюмларини сотиб олишга сарфланди.
Бир нарсани тушуниб олишимиз лозим, хайрия биринчи навбатда инсонларнинг маданиятидир. Йиғиладиган пуллар иккинчи даражали. Хайрли ишларга қанча пул берилганлиги муҳим эмас. Шу боис хайрия ишларига кўпроқ эътибор қаратиш кераклигини ҳар бир инсон ич-ичидан тушуниши муҳим.
Eriell Group Ўзбекистон аҳолисини муборак байрам – Рамазон ҳайити билан табриклайди. Ҳаётингиз қувончга, хонадонингиз нурга, қалбингиз меҳрга тўлсин!
Eriell Group матбуот хизмати
Изоҳ (0)