Дунё бўйлаб 12 май куни камера объективига олинган суратларни намойиш қиламиз.

Исроил ҳаво ҳужумидан сўнг вайрон бўлган уйини ташлаб кетаётган фаластинлик аёл ва унинг ўғли.

Фото: Reuters

Мавзуга доир: Ўзбекистон Исроил ва Фаластинни зўравонликни зудлик билан тўхтатишга чақирди

Хитой шарқидаги Цзянсу провинциясида саралаш марказининг ишчилари махсус қутиларга атиргул баргларини соляпти.

Фото: Legion Media

Тошкентдаги кўп қаватли уйлардан бирининг йўлагида Рамазон ҳайити муносабати билан осилган безаклар.

Фото: «Дарё» / Муҳаммадамин Тошкандий

Мавзуга доир: Шавкат Мирзиёев Ўзбекистон халқини Рамазон ҳайити билан табриклади

Буюк Британиянинг Солсбери шаҳрида лочин полапонини шаҳар собори минорасидаги уясига қайтаришдан олдин унинг тирноғи узунлиги ўлчаниб, махсус ҳалқа тақилмоқда.

Фото: PA

Идлибдаги қочқинлар лагеридаги бола ойнада сочлари қандай турмакланганини кўряпти.

Фото: Getty Images

Дакка шаҳрида қайиғида намоз ўқиётган бангладешлик.

Фото: Getty Images

Қозон шаҳридаги мактабда юз берган отишма оқибатида вафот этганларнинг хотираси учун гул қўяётган қизча.

Фото: EPA

Мавзуга доир: Ўзининг «худо» эканини англаган ва қонуний равишда ов милтиғи сотиб олган «оғир-босиқ» талаба. Қозондаги мактабга ҳужум ва ҳужумчининг ўзи ҳақида батафсил

Исландия пойтахти Рейкьявик яқинидаги вулқондан отилаётган лава.

Фото: «ТАСС»

Жакарта шаҳридаги Ал-Мусяриъин масжидидаги мусулмонлар телескоп ёрдамида ойнинг ҳолатига қараб, Рамазон тугаганини маълум қилмоқда.

Фото: Reuters

Буюк Британиянинг Блэкпул шаҳридаги Blackpool Tower Ballroom залини тиклаш ишлари олдидан уни кўздан кечираётган лойиҳа менежери Кит Лангтон.

Фото: PA

Ғазо шаҳрига қилинган ҳаво ҳужумлари оқибатида вайроналар ёнида ётган манекенларнинг бош қисми.

Фото: Getty Images

Мавзуга доир: Фаластин раҳбари Иордания қироли ва Ироқ президенти билан минтақадаги вазиятни муҳокама қилди

Лиссабоннинг «Спортинг» жамоаси 19 йил ичида биринчи марта Португалия чемпиони бўлди. Суратда шаҳарнинг асосий майдонига йиғилган жамоанинг минглаб мухлислари.

Фото: EPA

Мавзуга доир: Футбол мухлислар учун: «Аякс» чемпионлик совринини эритди, клуб уни 42 минг мухлисга кичик сувенир тариқасида тақдим этади (видео)

Рим Папаси Франциск коронавирус чекловлари юмшатилгандан сўнг одамлар билан учрашяпти.

Фото: EPA

Бангладешда Рамазон ҳайитини нишонлаш учун ўз шаҳарларига жўнаб кетаётган мигрантлар паромга қараб югуряпти.

Фото: Rex

Ғазо секторидан учирилган ракеталарни Исроилнинг «Темир гумбаз» номли ракетага қарши тизими уриб туширмоқда.

Фото: Reuters

Колумбиянинг Кали шаҳрида ҳукуматга қарши намойишчилар ўзига хос автобусда кетмоқда.

Фото: Getty Images

Ҳиндистоннинг Уттар-Прадеш штатидаги давлат касалхонасида COVID-19 билан касалланган 3 бемор бир койкада даволанмоқда.

Фото: Reuters

Мавзуга доир: Ҳиндистон COVID-ўлимлар бўйича яна рекорд ўрнатди, Бразилияда коронавирусга қарши эмланган ҳомиладор аёл вафот этди, «ҳиндча» штамм дунё учун хавфли деб тан олинди. Коронахабарлар

Пекин шаҳридаги бино ойналарини тозалаётган ишчилар.

Фото: Getty Images

Аҳмадободда ҳиндистонликлар коронавирусга қарши иммунитет ҳосил қилади деб ишониб, баданларига сигир гўнгини суртиб, ибодат қилмоқда.

Фото: Reuters

Фаластинлик бола Ғазо шаҳрида Исроилнинг ҳаво ҳужумларида вайрон бўлган бино қолдиқлари ёнидан ўтмоқда.

Фото: Reuters

Лондондаги Christie’s ким ошди савдосига қўйилган коллексионер Марион Ламбертнинг Fiat 600 автомобили. Унинг тахминий қиймати 28 000—36 000 фунт стерлингни ташкил этади.

Фото: Shutterstock

Аввалги кунларнинг фотогалереялари: