Фарғонада 6 кишининг ўлими билан якунланган ЙТҲ икки Собалт иштирокида содир бўлгани, қурбонлар орасида етти ойлик чақалоқ ҳам борлиги маълум бўлди, дея хабар берди «Дарё» мухбири.
Маълум қилинишича, 2021 йилнинг 10 май куни Бухоро вилояти, Вобкент туманида яшовчи Б.Қ. бошқарувидаги Cobalt Тошкент—Ўш йўлининг Ёзёвон тумани «Гулистон» МФЙ ҳудудидан ўтаётганда қарама-қарши йўналишда ҳаракатланиб келаётган Д.С.нинг Cobalt автомашинаси билан тўқнашган.
Оқибатда олти киши тан жароҳати олиб, ҳодиса жойида ҳалок этган. Яна тўрт киши туман шифохонасининг жонлантириш бўлимига ётқизилган. Уларнинг аҳволи оғирлиги маълум қилинган.
Мазкур ҳолат юзасидан Ёзёвон туман ИИБ ҳузуридаги тергов бўлими томонидан Жиноят кодексининг 266-моддаси 3-қисми «а» (одам ўлимига сабаб бўлган транспорт бошқариш қоидаларини бузиш) банди билан жиноят иши қўзғатилиб, тергов ҳаракатлари давом этмоқда.
Эслатиб ўтамиз, аввалроқ Хоразмда ҳайдовчилик гувоҳномаси бўлмаган 10-синф ўқувчиси бошқарувидаги Lacetti Damas’га урилгани оқибатда уч киши ҳалок бўлди, Қаршида содир бўлган ЙТҲда эса 29 ёшли ҳайдовчи ва унинг 5 ёшли қизи вафот этгани хабар берилганди.
Изоҳ (0)