Тошкент вилояти Олмалиқ шаҳрида Damas автомобили велосипедчини уриб юборди, дея хабар қилмоқда ЙҲХББ матбуот хизмати.
Маълум қилинишича, 2021 йилнинг 5 май куни соат 08:45 ларда Тошкент вилояти Олмалиқ тумани Улуғбек кўчасида жойлашган болалар шифохонаси қаршисида ҳайдовчи 1995 йил туғилган Қ.Ж. Damas русумли автомобилни бошқариб кетаётганда тартибга солинган чорраҳанинг ўнг томонидан чап томонига ўтаётган велосипедчини уриб юбориб, ЙТҲ содир этган.
Оқибатда велосипедчи 1989 йил туғилган В.А. тан жароҳатлари олиб, шифохонада вафот этган.
Мазкур ЙТҲ юзасидан Олмалиқ шаҳар ИИБ тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш қоидаларини бузиш) билан жиноят иши қўзғатилган.
Бундан аввал Чинозда Damas ЙПХ инспекторининг радар ўрнатилган Nexia’сига бориб урилгани, Чилонзорда Cobalt ва Matiz тўқнашиб, ағдарилиб кетгани ҳамда Наманганда велосипедчини уриб, воқеа жойидан кетиб қолган Kia ҳайдовчиси ушлангани ҳақида хабар берилганди.
Изоҳ (0)