Фарғона вилоятининг Бағдод туманида ўлим билан боғлиқ йўл-транспорт ҳодисаси содир бўлди. Бу ҳақда «Дарё»га вилоят ИИБ ахборот хизмати хабар берди.
Маълум қилинишича, 4 май куни фуқаро А.А. бошқарувидаги Damas русумли автомашина Бағдод тумани Қўштегирмон қишлоғи ҳудудида кетаётиб, йўлнинг қатнов қисмини пиёда кесиб ўтаётган 9 ёшли Т.М.ни уриб юборган. Оқибатда Т.М. тан жароҳати олиб, ҳодиса жойида вафот этган.
Ҳолат юзасидан Фарғона шаҳар ИИО ФМБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Айни пайтда тергов ҳаракатлари давом этмоқда.
Аввалроқ Сурхондарёда 3 кишини уриб юборган Damas ҳайдовчиси воқеа жойидан қочиб кетгани, оқибатда жабрланганларнинг икки нафари вафот этгани ҳақида хабар берилганди.
Изоҳ (0)