Ўзбекистон миллий терма жамоаси май ойида Австралияга қарши назорат учрашувида майдонга тушади. Бу ҳақда терма жамоалар бўлими бошлиғи Азизбек Ҳайдаров ЎФА расмий YouTube каналига берган интервьюсида хабар берди.
Ўзбекистон миллий терма жамоаси 20 май куни Тошкент вилоятининг Бўстонлиқ туманидаги Чимён тоғ ёнбағирлари йиғин бошлайди. Сафар олдидан санитария-эпидемиология қоидаларига қатъий риоя қилган ҳолда машғулотлар ёпиқ тарзда ўтказилади.
28 май санасида терма жамоа делегацияси БААга жўнаб кетади ва 29 май куни Дубай шаҳрида Австралия терма жамоаси билан назорат ўйинини ўтказади.
Шундай сўнг, Вадим Абрамов шогирдлари Саудия Арабистонига йўл олади ва 7 июнь куни ўтадиган Сингапур терма жамоасига қарши дастлабки учрашувга тайёргарлик кўради.
Эслатиб ўтамиз, июнь ойида ЖЧ—2022 ва Осиё Кубоги—2023 қўшма саралаши доирасидаги ўйинлар марказлашган тизимда ўтказилади. Ўзбекистон жой олган гуруҳ баҳслари Саудия Арабистонида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)