Баъзида қаҳрамонларни гавдалантириш учун маҳорат, истеъдод ва тажрибанинг ўзи камлик қилади. Сюжетга биноан образнинг ишонарли чиқиши учун бундай вақтда актёр ва актрисаларга профессионал пардозчилар ёрдам беради.
Жаред Лето — «Суицид жамоаси»
Жаред Лето 2015 йилда «Суицид жамоаси» фильмида Жокер ролини гавдалантирган. Суратга олиш жараёнида ролига шунчалик берилиб кетганидан турли кўнгилсизликлар келиб чиқа бошлаган. Ҳамкасби Марго Роббига тирик каламуш бергани, у қилган хурмача қилиқлар денгизидан бир томчи холос.
Том Круз — «Омадсиз аскарлар»
Том фильмнинг суратга олиш жараёнида тўла кўрсатадиган костюм ва протез кийган. Образи тўлиқ якунланиши учун эса тепакал кўрсатадиган парик кийган.
Билл Найи — «Кариб денгизи қароқчилари: Ўликлар сандиғи»
Томошабинлар франшизада Билл Найи гавдалантирган кема капитани Дейви Жонс ролини яратишда латекс ниқобдан фойдаланган деб ҳисоблайди, аслида эса мазкур қаҳрамоннинг кўриниши учун компьютер техникасидан фойдаланилган.
Хавьер Бардем — «Кариб денгизи қароқчилари 5: Мурдалар эртак айтмайди»
Аввалига капитан Салазар қаҳрамонини гавдалантириш учун Кристоф Валс таклиф қилинган, аммо у рад жавобини берганидан кейин роль Хавьер Бардемга насиб қилган.
Жоуи Кинг — «Муғомбирлик»
Актриса мазкур фильмда ўз онасидан азият чеккан Жипси Бланчард ролини ижро қилган. Мазкур ижроси сабаб у «Эмми» мукофотига номзод бўлган.
Хелена Бонем Картер — «Гарри Поттер» франшизаси
Гарри Поттер ҳақидаги фильмда Хелена лорд Волан-де Мортнинг содиқ хизматчиси Беллатриса Лестрейнж ролини ижро қилган.
Кейт Бланшелтт — «Манифеста»
«Манифеста»да Кейт 13 та қаҳрамонни ижро қилган. Роллари орасида чиқиндиларни қайта ишлайдиган заводда ишлайдиган хизматчи ва уйсиз қаҳрамонлар ҳам бор.
Стефани Леонидас — «Чақирув»
«Чақирув»да Стефани ўзга сайёралик ролини ижро қилган. У гавдалантирган қаҳрамон кўриниши актрисанинг ўзидан тубдан фарқ қилади.
Марго Робби — «Икки қиролича»
Марго мазкур фильмда Англия ва Ирландия қироличаси Елизавета I ролини ижро қилган. У гавдалантирган қаҳрамоннинг грими ва соч турмаги танқидчиларга шунчалик ёққанидан фильм «Оскар» мукофотига номзод қилиб кўрсатилган.
Мерил Стрип — «Ўрмонлар аро»
Жодугар ролини шунчалик ишонтириб гавдалантирган Мерил «Оскар» мукофотининг «Энг яхши актриса» номинациясига номзод бўлган.
Бетт Мидлер — «Фокус-покус»
Мазкур фильмда Бетт ижро қилган афсунгар образи ҳам эътироф этишга арзийди. Унинг образи ва ижро маҳорати фильмни муваффақиятли чиқишига ҳисса қўшган.
Мишель Пфайффер — «Стардуст»
Фильм давомида мазкур образда кўриниш берган қаҳрамонга қараб бу ҳақиқатан ҳамМишелми, деган савол туғилади. Унинг бундай ўзгаришга розилик бергани кишини ҳайратга солади.
Изоҳ (0)