Asakada Labo to‘xtab turgan “GAZ-53” yuk mashinasiga borib urildi

Andijon viloyatining Asaka tumanida Labo to‘xtab turgan “GAZ-53” yuk mashinasiga borib urildi. Bu haqda YHXBB matbuot xizmati xabar berdi.

Voqea 2-may kuni soat 14:00 larda tumanning Yangisor ko‘chasida yuz bergan. 1999-yilda tug‘ilgan U.A. Labo haydab ketayotib, o‘zidan oldinda yo‘lning o‘ng chetida to‘xtab turgan “GAZ-53” yuk mashinasining orqa tomoniga borib urilgan.

Oqibatda Labo haydovchisi U.A. tan jarohati bilan shifoxonaga olib ketilgan.

Holat yuzasidan Asaka tuman IIB YHXB tomonidan dastlabki surishtiruv harakatlari olib borilmoqda.

Avvalroq Farg‘onada Nexia va elektroskuter to‘qnashishi oqibatida voyaga yetmagan yo‘lovchi halok bo‘lgani, Toshkent viloyatida Damas YPX inspektorining radar o‘rnatilgan Nexia’siga borib urilgani, Toshkentda Captiva Nexia va “Moskvich”ga borib urilishi oqibatida bir kishi halok bo‘lgani, yana to‘rt nafari jarohatlangani, Dehqonobodda boshqaruvni yo‘qotgan Cobalt haydovchisi “Jiguli”ga urildi. “Jiguli” haydovchisi voqea joyida vafot etgani haqida xabar berilgan edi.