Тошкентдаги Мингўрик ёдгорлиги ёнида ИИББ Маънавият ва маърифат маркази биносини қуриш ишлари тўхтатилди

Тошкентда Мингўрик археологик ёдгорлиги ёнида ИИББ Маънавият ва маърифат маркази биноси қуриш тўхтатилди, деб хабар бермоқда «Podrobno.uz».

«Кеча соат 17:00 да марказни қуриш ишлари тўхтатилди. Жума кунига қарор қабул қилиш бўйича кенгаш тайинланди», — деган Тошкент шаҳар ИИББ Ахборот мултимедиа маркази бошлиғи, бош бошқарма бошлиғининг матбуот котиби Ирина Сайфутдинова.

Эслатиб ўтамиз, Мингўрик яқинида жойлашган уйларда яшовчи аҳоли қурилиш ишлари бошланган туфайли ёдгорликка зарар етишидан хавотирга тушганди. Улар қурилиш техникаси таъсирида юзага келадиган тебраниш қадимий ёдгорликка жиддий шикаст етказиши мумкин, деган фикрда.

Тошкент шаҳар ИИББ ҳеч ким ёдгорликни бузиш ниятида эмаслигини, қурилиш ишлари ёдгорликка таъсир кўрсатиши ёки кўрсатмаслиги ҳақида хулоса берувчи экспертларга тегишли ҳужжатлар тақдим этилганини билдирган.

Бундан бир неча йил аввал ҳам икки минг йиллик тарихга эга ушбу ёдгорликда ёриқлар пайдо бўлгани олимларни хавотирга солганди.

Маълумот учун, Тошкентнинг Миробод туманида жойлашган Мингўрик археология ёдгорлиги ЮНЕСКОнинг тарихий обидалар рўйхатига киритилиши учун номзод қилиб рўйхатга олинган.