Ўзбекистонда коронавирусга қарши эмланганлар сони салкам 977 мингга етди, қўлланилган вакциналар сони 1 миллиондан ошди
Ўзбекистонда 5 май куни жами 45 616 нафар киши COVID-19 га қарши эмланди, дея хабар беради Соғлиқни сақлаш вазирлиги матбуот хизмати. Шулардан 34 089 нафари биринчи босқичда, 11 527 нафар фуқаро эса иккинчи босқичда эмланган.
Фото: ССВ матбуот хизмати
Ҳозирги кунгача Ўзбекистонда коронавирусга қарши 1 009 510 доза вакцинадан фойдаланилди, уларнинг 32 522 дозаси иккинчи босқичда қўлланилган. Шунга кўра, мамлакатда эмланганлар сони салкам 977 минг кишини ташкил этмоқда.
5 май кунидаги эмлаш кўрсаткичлари бўйича юқори ўринларни
Андижон вилояти (8588 доза),
Тошкент шаҳри (7200 доза) банд қилди.
Коронавирусга қарши эмланган жами аҳоли сони
Фарғона вилоятида 128838 доза,
Андижон вилоятида 118 093 доза,
Наманган вилоятида 108 560 дозани ташкил қилмоқда.
Эслатиб ўтамиз, 1 майдан Ўзбекистонда вакцинациянинг иккинчи ойи бошланди. Вакцинациянинг биринчи босқичи 1 апрелдан бошланганди. Дастлабки босқичда 65 ёшдан катталар, сурункали касаллиги борлар, тиббиёт ва таълим муассасалари (мактаб ва боғча) ходимлари, шунингдек, ҳуқуқ-тартибот органлари вакиллари эмланганди.
Изоҳ (0)