Ўзбекистонда йилнинг дастлабки 4 ойида 9 та судьяга нисбатан интизомий иш қўзғатилган. Бу ҳақда АОКАда Олий суд мутасаддилари иштирокида ўтказилган матбуот анжуманида маълум қилинди.
Қайд этилишича, тизимда 401 та суд фаолият юритиб келмоқда. Штат жадвали бўйича судьялар сони 1 331 нафарни ташкил қилиб, амалда ишлаб турган судьялар сони 1 244 нафарни (93 фоиз) ташкил қилади. Вакант ўринлар — 91 та.
Судьянинг ўртача ойлик иш ҳажми туман (шаҳар) миқёсида жиноят ишлари бўйича судларда — 136 та, фуқаролик ишлари бўйича судларда — 141 та, иқтисодий судларда — 85 та, маъмурий судларда — 30 та ишни ташкил қилган.
Шунингдек, бу кўрсаткич вилоят миқёсида жиноят ишлари бўйича судлов ҳайъатида — 13 та, фуқаролик ишлари бўйича судлов ҳайъатида — 10 та, иқтисодий ишлар бўйича судлов ҳайъатида — 8 та, маъмурий ишлар бўйича судлов ҳайъатида — 5 та ишни ташкил этган.
Маълум қилинишича, 2021 йил 1-чораги давомида 9 нафар судьяга нисбатан интизомий иш қўзғатилган.
Бундан аввал Фарғонада низоли ҳолатни ўрганаётган аёл судья зўравонликка учрагани, Ўзбекистон судьялар олий кенгаши қасамёдини бузган суд раисини вазифасидан озод этгани ҳамда Андижонда суд раиси судьялик одоб-ахлоқини бузгани учун ишдан олингани ҳақида хабар берилганди.
Изоҳ (0)