Зангиотадаги хонадонларнинг бирида ёнғин содир бўлди
Тошкент вилояти Зангиотада туманида жойлашган уйда ёнғин келиб чиқди, дея хабар бермоқда Фавқулодда вазиятлар вазирлиги.
Қайд этилишича, 5 май куни соат 11:01 да Тошкент вилояти Зангиота тумани «Олмазор» маҳалласида жойлашган хонадонларнинг бирида ёнғин содир бўлган.
Мазкур ҳолат юзасидан Тошкент вилояти Фавқулодда вазиятлар бошқармасининг 5 та ёнғин-қутқарув гуруҳлари бир неча дақиқада воқеа жойига етиб борган.
Ёнғин натижасида хонадоннинг 250 квадрат метр майдони зарарланган. ФВВнинг тезкор ва самарали ҳаракатлари туфайли ёнғин қисқа вақт ичида бартараф этилди. Ёнғиндан хонадоннинг 300 квадрат метр майдони сақланиб қолинган.
Маълум қилинишича, ҳодиса оқибатида жабрланган ва ҳалок бўлганлар йўқ.
Бундан аввал Хоразмдаги деҳқон бозорида, Тошкентдаги собиқ «ТАПОиЧ» ҳудудида ҳамда Яккасаройдаги синтепон ишлаб чиқариш цехида ёнғин содир бўлгани ҳақида хабар берилганди.
