Ўзбекистонда 2019—2020 йиллар давомида 101 та ис газидан заҳарланиш ҳолати содир бўлган. Бу ҳақда Саноат хавфсизлиги давлат қўмитаси маълумот берди.
Қайд этилишича, 2019 йилда Ўзбекистон бўйлаб 31 та ис газидан заҳарланиш ҳодисаси содир бўлиб, жабрланганлар сони 21 нафарни, вафот этганлар сони эса 50 нафарни ташкил этган.
2020 йилда эса 70 та ис газидан заҳарланиш ҳолати содир бўлган, жароҳат олганлар сони 66 нафарни, вафот этганлар сони эса 91 нафарни ташкил қилган.
Содир бўлган бахтсиз ҳодисаларнинг аксарияти газ ускуналаридан фойдаланишда хавфсизлик қоидаларига риоя қилмаслик оқибатида рўй бермоқда, дейилади қўмита маълумотида.
Бундан аввал Самарқандда тўрт кишининг ис газидан заҳарланиб вафот этгани юзасидан жиноят иши қўзғатилгани, Тошкентда ижарада яшаган беш талабанинг ўлимига ис гази сабаб бўлгани ҳамда Хоразмдаги чойхонада бир оиланинг уч аъзоси ис газидан заҳарланиб вафот этгани ҳақида хабар берилганди.
Изоҳ (0)