Электомобиль эгаларининг қарийб 20 фоизи машинасини сотганидан сўнг, яна анъанавий ички ёнув двигателли автомобилларни харид қилмоқда. Бу ҳақда калифорниялик олимлар томонидан ўтказилган тадқиқот натижаларига таяниб, Motor хабар берди.
Калифорния университети олимлари томонидан ўтказилган тадқиқот натижалари электрлаштирилган автомобиль харид қилган ҳар бешинчи одам уни сотганидан кейин ички ёнув двигателига эга автомобиль харид қилишга ўтмоқда. Бунинг сабаби ойдин: электромобилларнинг барча эгалари ёмон инфратузилма ва қувватлантириш станцияларининг етарли эмаслигидан қийналмоқда. Калифорния АҚШ штатлари орасида қувватлантириш станциялари сони бўйича етакчи ҳисобланади. Тадқиқот асосини 2012 йилдан 2018 йилга қадар штат аҳолиси томонидан фойдаланилган автомобилларга оид маълумотлар ташкил этади.
Гибрид ва электромобиллар эса қониқиш даражаси бўйича энг минимал фарқни кўрсатган: гибрид автомобиллар эгалари 20 фоиз ҳолатда ички ёнув двигателига эга машина харид қилган, электрокарлар эгалари 18 фоиз ҳолатда бензин ёки дизелли машиналарга ўтиб кетган. Калифорнияликлар қувватлантириш станцияларидан ташқари, уй шароитида қувватлантиришнинг мураккаблигидан шикоят қилган.
Аввалроқ Норвегияда бензинли автомобиллар деярли сотилмаётгани, март ойида сотилган машиналарнинг 85 фоизи электрокар ва гибридлар эканлиги тўғрисида хабар берилганди.
Изоҳ (0)