Асакада Labo тўхтаб турган «ГАЗ-53» юк машинасига бориб урилди

Андижон вилоятининг Асака туманида Labo тўхтаб турган «ГАЗ-53» юк машинасига бориб урилди. Бу ҳақда ЙҲХББ матбуот хизмати хабар берди.

Воқеа 2 май куни соат 14:00 ларда туманнинг Янгисор кўчасида юз берган. 1999 йилда туғилган У.А. Labo ҳайдаб кетаётиб, ўзидан олдинда йўлнинг ўнг четида тўхтаб турган «ГАЗ-53» юк машинасининг орқа томонига бориб урилган.

Оқибатда Labo ҳайдовчиси У.А. тан жароҳати билан шифохонага олиб кетилган.

Ҳолат юзасидан Асака туман ИИБ ЙҲХБ томонидан дастлабки суриштирув ҳаракатлари олиб борилмоқда.

Аввалроқ Фарғонада Nexia ва электроскутер тўқнашиши оқибатида вояга етмаган йўловчи ҳалок бўлгани, Тошкент вилоятида Damas ЙПХ инспекторининг радар ўрнатилган Nexia’сига бориб урилгани, Тошкентда Captiva Nexia ва «Москвич»га бориб урилиши оқибатида бир киши ҳалок бўлгани, яна тўрт нафари жароҳатлангани, Деҳқонободда бошқарувни йўқотган Cobalt ҳайдовчиси «Жигули»га урилди. «Жигули» ҳайдовчиси воқеа жойида вафот этгани ҳақида хабар берилган эди.