Навоий вилоятининг Кармана туманида Isuzu русмли автомашина 46 ёшли фуқарони маст ҳолда йўлнинг белгиланмаган қисмига чиқиб кетгани сабаб уриб юборди. Бу ҳақда «Дарё»га вилоят ИИБ ЙҲХБ матбуот гуруҳи раҳбари Фаррух Ёқубов хабар берди.
Таъкидланишича, Кармана туманидан ўтган 4К-364-халқаро автомобиль йўлининг 23-километрида 35 ёшли ҳайдовчи Қ.П. бошқарувида бўлган Isuzu автомашинасида йўл-транспорт ҳодисасини содир этган. У автомобилида Жалойир—Нурафшон йўналишида ҳаракатланиб келаётганда 46 ёшли пиёдани уриб юборган. Жабрланувчи олган оғир тан жароҳати туфайли Кармана туман тиббиёт бирлашмасининг жонлантириш бўлимида вафот этган.Туман тиббиёт бирлашмасининг бирламчи маълумотига кўра, пиёда спиртли ичимлик таъсирида бўлган. Ва шу сабаб ўз ҳаракатларини бошқаролмай йўлнинг белгиланмаган қисмига чиқиб кетган.
Айни пайтда мазкур ҳолат юзасидан Кармана туман ИИБ тергов бўлими томонидан терговга қадар суриштирув ҳаракатлари олиб борилмоқда.
Изоҳ (0)