Elektomobil egalarining qariyb 20 foizi mashinasini sotganidan so‘ng, yana an’anaviy ichki yonuv dvigatelli avtomobillarni xarid qilmoqda. Bu haqda kaliforniyalik olimlar tomonidan o‘tkazilgan tadqiqot natijalariga tayanib, Motor xabar berdi.
Kaliforniya universiteti olimlari tomonidan o‘tkazilgan tadqiqot natijalari elektrlashtirilgan avtomobil xarid qilgan har beshinchi odam uni sotganidan keyin ichki yonuv dvigateliga ega avtomobil xarid qilishga o‘tmoqda. Buning sababi oydin: elektromobillarning barcha egalari yomon infratuzilma va quvvatlantirish stansiyalarining yetarli emasligidan qiynalmoqda. Kaliforniya AQSh shtatlari orasida quvvatlantirish stansiyalari soni bo‘yicha yetakchi hisoblanadi. Tadqiqot asosini 2012-yildan 2018-yilga qadar shtat aholisi tomonidan foydalanilgan avtomobillarga oid ma’lumotlar tashkil etadi.
Gibrid va elektromobillar esa qoniqish darajasi bo‘yicha eng minimal farqni ko‘rsatgan: gibrid avtomobillar egalari 20 foiz holatda ichki yonuv dvigateliga ega mashina xarid qilgan, elektrokarlar egalari 18 foiz holatda benzin yoki dizelli mashinalarga o‘tib ketgan. Kaliforniyaliklar quvvatlantirish stansiyalaridan tashqari, uy sharoitida quvvatlantirishning murakkabligidan shikoyat qilgan.
Avvalroq Norvegiyada benzinli avtomobillar deyarli sotilmayotgani, mart oyida sotilgan mashinalarning 85 foizi elektrokar va gibridlar ekanligi to‘g‘risida xabar berilgandi.
Izoh (0)