Дунёнинг энг бой одами, Amazon компаниясининг асосчиси Жефф Безос ўзининг Blue Origin аэрокосмик компанияси томонидан ишлаб чиқилган New Shepard космик кемаси учун чипталар сотуви бошланганини эълон қилди. Бу ҳақда Tengrinews хабар бериди.
Бу ҳақда миллиардер ўзининг Instagram саҳифасида маълум қилди. Тармоқдаги постда барча батафсил маълумотлар 5 майда эълон қилиниши айтилган.
«Вақти келди», — деб ёзган у ижтимоий тармоқда.
https://www.instagram.com/p/COQHlEaHzAW/?utm_source=ig_embed&утм_cампаигн=эмбед_видео_watch_агаин
Видеороликда Безос пикап машинасида Ғарбий Техасдаги компаниянинг учиш майдонига қараб кетаётгани, кейин эса космик кеманинг ерга муваффақиятли қўниши ва сайёҳларни космосга етказувчи капсула тасвирланган. Безоснинг сўзларига кўра, у ҳар йили Amazon’даги миллиардлаб долларлик акцияларини сотиб, Blue Origin’ни молиялаштирмоқда.
New Shepard кемаси олти кишидан иборат капсулани орбитага олиб чиқади. Улар 10 дақиқада ернинг тортиш кучидан бутунлай узилади ва Ер юзасидан 104 километр баландликдан сайёрамиз манзараларини кузатиши мумкин бўлади. Бтта парвознинг давомийлиги 40 дақиқани ташкил қилади.
Компаниянинг маълумот беришича, ҳаммада ушбу капсулада космосга чиқиш имконияти бўлади.
Компания сайтида расмий анонснинг эълон қилиниш вақти учун тескари ҳисоб олиб борилмоқда, чипта сотиб олмоқчи бўлганлар эса сайтдаги янгиланишларга обуна бўлиши мумкин. Ҳозирча чипталар нархи маълум қилинмаган, лекин аввалроқ Reuters агентлигининг манбалари космик кемадаги битта ўрин 200-300 минг долларга баҳоланиши мумкинлигини маълум қилган эди.
Аввалроқ Хитой ҳукумати «Чанчжен-5» оғир ташувчи-ракетаси ёрдамида ўзининг миллий космик станциясининг асосий модулини орбитага чиқарганди. Ушбу космик станцияни 2022 йилда қуриш режалаштирилган. Станциянинг қолган қисмларини ўрнатиш учун яна 10 та мана шундай парвоз талаб этилади.
Шунингдек, 24 апрель куни Халқаро космик станцияга (ХКС) туташган Американинг SpaceX компаниясига тегишли Crew Dragon-2 кўпмарталик кемасининг астронавтлари станциянинг бортига ўтди. Уларнинг келиши билан станция экипажи аъзоларининг сони 11 нафарга етди.
Изоҳ (0)