Ҳафта давомида камерага муҳрланган қизиқарли суратларни намойиш қиламиз.

Тошкент маҳаллий авиақатновлар аэропортида кун ботиш вақти.

Фото: «Дарё» / Мадина Нурман

Португалиянинг Арока муниципалитетида жойлашган дунёдаги энг узун пиёдалар осма кўприги. Унинг узунлиги 516 метр, кенглиги 1,2 метрга тенг. Кўприк Паива дарёси устида 175 метр баландликда жойлашган. Кўприкдан ўтиш учун тахминан 10 дақиқа сарфланади. Кўприк 3 май куни очилади.

Фото: Getty Images

Германиянинг Шлезвиг-Голштейндаги кемалар туриш жойи чеккасида олишаётган чағалайлар.

Фото: Getty Images

Шавкат Мирзиёев 29 апрель куни Гурбангули Бердимуҳамедов ва икки мамлакат муфтийлари ҳамроҳлигида «Туркманбоши руҳи» масжидига ташриф буюрди. Шундан сўнг туркманистонлик ҳамкасби билан масжид яқинида ифторлик қилди.

Фото: Президент матбуот хизмати

Юлдузларга тўла осмон фонида лава чиқараётган Индонезиядаги Мерапи вулқони.

Фото: Getty Images

Тошкент шаҳридаги Наврўз боғининг юқоридан кўриниши.

Фото: «Дарё» / Дилшод Шарипов

Хитой шаҳри бўлмиш Саниядаги океанариумда «Энг кўп сув париси иштирок этган шоу» сифатида Гиннес рекордлари китобига киритилган намойиш.

Фото: Getty Images

1 май — Фавворалар куни муносабати билан Тошкент шаҳрининг Мустақиллик майдонидаги фаввора ўз ишини қайта тиклади. Суратда ушбу фаввора олдида юрган ота-бола.

Фото: «Дарё» / Мадина Нурман

Шимолий Македония тўлин ойи остида турган лайлак.

Фото: EPA

Тошкентдаги «Шайх Зайниддин» (Кўкча) масжидига таровиҳ намозини ўқиш учун йиғилган мусулмонлар.

Фото: «Дарё» / Муҳаммадамин Тошкандий

Вьетнамдаги Сан Чи этник гуруҳи аёллари футбол учрашуви ўтказмоқда.

Фото: EPA

Тошкентда тиғиз пайтдаги автомобиллар оқими.

Фото: «Дарё» / Мадина Нурман

Исфаҳон шаҳрида жойлашган фермадаги от.

Фото: Getty Images

Ҳиндистоннинг Бардҳаман шаҳридаги кўча актёрлари.

Фото: Getty Images

Мелбурнда ўтказилаётган ANZAK (Австралия ва Янги Зеландия армияси корпуси) кунида урушда ҳалок бўлганлар хотирланяпти. Ушбу кун 25 апрель куни икки мамлакатда ҳам нишонланиб, барча уруш, можаро ва тинчликпарварлик операцияларида хизмат қилган ва вафот этганлар ёдга олинади.

Фото: Getty Images

Швейцариянинг Сион шаҳрида ёш сёрфингчи сунъий равишда ҳосил қилинган тўлқинда машқ қилмоқда.

Фото: EPA

Радиоактивлик белгиси туширилган қора кийим ва ниқоб кийган аёллар Беларусь пойтахти Минск шаҳрида Чернобил фожиасининг 35 йиллиги муносабати билан қурбонларни хотирлаш учун юриш ташкил қилди.

Фото: AFP

Буюк Британиянинг Амсбери шаҳри яқинидаги Стоунҳенж тош ёдгорлиги олдида, тўлин ой остида ўтлаб юрган қўйлар.

Фото: Reuters

«Nomadland» («Кўчманчилар ўлкаси») фильми учун «Оскар» мукофотининг энг яхши фильми совриндори, режиссёр ва продюсер Хлоя Чжао Лос-Анжелесдаги матбуот залида суратга тушмоқда.

Фото: Reuters

Катманду шаҳридаги коронавирус оқибатида вафот этганларни ёқиш учун мўлжалланган крематорийда қариндошининг кулини олаётган одамлар.

Фото: Reuters

Россиялик ҳарбийлар Санкт-Петербургдаги Ғалаба куни ҳарбий парадининг машқларида қатнашмоқда. Россия 9 май куни фашистлар Германияси устидан қозонилган ғалабанинг 76 йиллигини нишонлайди.

Фото: AFP

Катмандудаги деворга чизилган бойқуш сурати олдидан ўтиб кетаётган непаллик аёл. COVID-19 билан касалланиш сони кўпайиши ортидан Непал ҳукумати Катманду водийсида 29 апрелдан бошлаб карантин чекловларини жорий этишга қарор қилди.

Фото: EPA

21 апрель куни Бали яқинидаги ўқув машғулотларда KRI Nanggala 402 сувости кемасида чўкиб, ҳалок бўлган ҳарбийнинг аёлига тасалли берилмоқда.

Фото: AFP

Швейцариянинг Базел шаҳрида эркаклар ўртасида спорт гимнастикаси бўйича Европа чемпионати финал босқичида қатнашаётган юнон спортчисининг чиқиши.

Фото: EPA