2021 йил 1 апрель ҳолатига кўра, Тошкент шаҳрининг доимий аҳолиси 2,716 миллион кишини ташкил этди. Бу ҳақда пойтахт Статистика бошқармасига таяниб, Тошкент ҳокимлиги матбуот хизмати хабар берди.
Маълумотларга кўра, Тошкент шаҳар доимий аҳолиси сони 2,716 миллион кишини ташкил этиб, 2020 йилнинг январь—март ойларида 21,8 минг кишига ёки 0,8 фоизга ўсган. 2021 йилнинг январь—март ойларида пойтахтда 13,3 минг бола туғилган бўлса, 3,9 минг киши вафот этган.
Шунингдек, пойтахтнинг ФҲДЙ0 бўлимларида 2021 йил 1 апрель ҳолатига кўра, 4,7 мингта никоҳ, 1,3 мингта ажралишлар рўйхатга олинган.
Аввалроқ Давлат статистика қўмитаси Ўзбекистоннинг доимий аҳолиси сони 34,7 миллион кишига етганини маълум қилганди. Қайд этилишича, доимий аҳоли сони 2021 йил бошидан 136,7 минг кишига ошган.
Мавзуга доир: Ўзбекистонда аҳолини рўйхатга олиш 2023 йилга қолдирилди
Изоҳ (0)