Ўзбекистон пойтахтида 21 майдан 25 майга қадар бўлиб ўтадиган «Тошкент Беш ташаббус ҳаракати» тадбирлари доирасида спорт мусобақалари ҳам ўтказилади. Бу ҳақда тадбир ташкилотчилари «Дарё»га маълум қилди.
Тадбир дирекциясининг маълум қилишича, ҳаракат тадбирларида иштирок этиш истагини билдирганларнинг энг кўп қисми айнан спорт мусобақаларини танлаган. Хусусан, Laser Run замонавий бешкураш қоидалари асосидаги мусобақаларда қатнашиш истагини билдирганлар сони кундан-кунга ортиб бормоқда.
Фестиваль доирасида Ўзбекистон футбол ассоциацияси (ЎФА) ва Профессионал футбол лигаси (ПФЛ) кўмагида футбол мусобақаси ўтказилиши ҳам режага киритилган. Олимпия тизимида ўтказиладиган турнирда бир қатор машҳур футболчилар меҳмон бўлиши, профессионал ҳакамлар ишлаши кутилмоқда.
«Турнирда бош соврин ва ютуқли ўринларни қўлга киритган жамоаларга ташкилотчиларнинг қимматбаҳо совғалари тақдим этилади», — дейилади «Тошкент Беш ташаббус ҳаракати» ташкилотчиларининг ахборотида. Фестивальда қатнашиш учун рўйхатдан ўтиш давом этмоқда.
Изоҳ (0)