Талабалар орасида коронавирус инфекцияси аниқлангани сабабли яна учта — Тошкент, Самарқанд ва Андижондаги олийгоҳлар масофавий таълим тизимига ўтказилди.
Булар:
- Тошкент давлат техника университети;
- Самарқанд шаҳридаги Ипак йўли туризм халқаро университети;
- Андижон қишлоқ хўжалиги ва агротехнологиялар институти.
Эпидемиологик вазият барқарорлашгандан сўнг анъанавий ўқув жараёнига қайтиш тўғрисида хабар берилади.
Эслатиб ўтамиз, 27 апрелдан Тошкент давлат аграр университети, Тошкент давлат иқтисодиёт университети Самарқанд филиали, 28 апрелдан Самарқанд ветеринария медицинаси институти Тошкент филиали, Ўзбекистон давлат санъат ва маданият институти, 30 апрелдан Жиззах давлат педагогика институти вақтинчалик масофавий таълимга ўтказилганди.
Ўзбекистонда 29 апрель куни коронавирус инфекциясини юқтириб олиш билан боғлиқ 402 та янги ҳолат рўйхатга олинди — бу кунлик касалланиш кўрсаткичи бўйича 2021 йилнинг энг юқори кўрсаткичидир. Шунингдек, 2 нафар коронавирусга чалинган бемор вафот этиб, касалликдан вафот этганлар сони 649 нафарни ташкил қилмоқда. Айни пайтда тиббиёт муассасаларида 3092 нафар бемор даволанмоқда.
Изоҳ (0)